താന്‍ റുതുരാജുമായി എന്നും സംസാരിക്കുന്നുണ്ട്, താരത്തിന് പ്രശ്നങ്ങളൊന്നുമില്ല – ചെന്നൈ സൂപ്പര്‍ കിംഗ്സ് സിഇഒ

- Advertisement -

തന്റെ രണ്ടാം ടെസ്റ്റിലും കൊറോണ പോസിറ്റീവായി സ്ഥിരീകരിക്കപ്പെടുകയായിരുന്നു ചെന്നൈ സൂപ്പര്‍ കിംഗ്സിന്റെ താരം റുതുരാജ് ഗായ്ക്വാഡ്. ഇതോടെ ചെന്നെ താരങ്ങളില്‍ കൊറോണ പോസിറ്റീവ് ആയ ഏക താരമായി മാറി റുതുരാജ്. നേരത്തെ ദീപക് ചഹാര്‍ തന്റെ പരിശോധനയില്‍ നെഗറ്റീവായി മാറിയ ശേഷം ടീമിനൊപ്പം ബയോ ബബിളില്‍ ചേര്‍ന്നിരുന്നു.

താന്‍ റുതുരാജുമായി എന്നും സംസാരിക്കുന്നുണ്ടെന്നാണ് ചെന്നൈ സിഇഒ കാശി വിശ്വനാഥ് വ്യക്തമാക്കിയത്. താരത്തിന് വേറെ ഒരു പ്രശ്നവുമില്ലെന്നും യാതൊരുവിധ രോഗലക്ഷണങ്ങളുമില്ലാത്ത താരം ആരോഗ്യവാനായി തുടരുകയാണെന്നും കാശി വിശ്വനാഥ് വ്യക്തമാക്കി. എല്ലാ വ്യക്തികളിലും സുഖം പ്രാപിക്കുവാന്‍ എടുക്കുന്ന സമയം ഒന്നല്ല എന്നതാണ് മനസ്സിലാക്കേണ്ടതെന്നും കാശി സൂചിപ്പിച്ചു.

താരം കൊറോണ നെഗറ്റീവ് ആയ ശേഷം കാര്‍ഡിയോവാസ്കുലര്‍ ടെസ്റ്റുകള്‍ കൂടി പാസ്സായ ശേഷം മാത്രമാകും ടീമിനൊപ്പം ചേരുകയെന്നും ചെന്നൈ സിഇഒ വ്യക്തമാക്കി. സുരേഷ് റെയ്‍നയും ഹര്‍ഭജന്‍ സിംഗും മടങ്ങിയ ചെന്നൈ ക്യാമ്പില്‍ 13 പേര്‍ക്ക് കൊറോണ സ്ഥിരീകരിച്ചിരുന്നു.

Advertisement