സ്മിത്തിന് അവസരം ലഭിയ്ക്കുകയാണെങ്കില്‍ ടോപ് ത്രീയില്‍ ബാറ്റ് ചെയ്യും – റിക്കി പോണ്ടിംഗ്

Steve Smith
- Advertisement -

സ്റ്റീവ് സ്മിത്തിന് ഡല്‍ഹി ക്യാപിറ്റല്‍സ് നിരയില്‍ സ്ഥിരമായി അവസരം ലഭിക്കുമോയെന്നത് ഉറപ്പല്ലെങ്കിലും അവസരം ലഭിയ്ക്കുമ്പോള്‍ താരത്തിന്റെ ബാറ്റിംഗ് ഓര്‍ഡര്‍ ആദ്യ മൂന്ന് സ്ഥാനങ്ങളിലായിരിക്കുമെന്ന് പറഞ്ഞ് മുഖ്യ കോച്ച് റിക്കി പോണ്ടിംഗ്. താരത്തിന് ഐപിഎലില്‍ മികച്ച പ്രകടനം പുറത്തെടുക്കണമെന്ന ആഗ്രഹമാണുള്ളതെന്നും അതിനായി കഠിന പ്രയത്നം താരം നടത്തി വരികയാണെന്നും റിക്കി പോണ്ടിംഗ് പറഞ്ഞു.

സ്റ്റീവ് സ്മിത്തിന് അവസരം ലഭിയ്ക്കുകയാണെങ്കില്‍ താരം ടീമിനായി ഏറെ റണ്‍സ് നേടുമെന്നാണ് തന്റെ വിശ്വാസമെന്നും മുന്‍ ഓസ്ട്രേലിയന്‍ ക്യാപ്റ്റന്‍ കൂടിയായ റിക്കി പോണ്ടിംഗ് പറഞ്ഞു. അടുത്ത വര്‍ഷം മെഗാ ലേലം വരാനിരിക്കുന്നതിനാല്‍ തന്നെ ഇപ്രാവശ്യം മികച്ച പ്രകടനം പുറത്തെടുത്താല്‍ താരത്തിന് അടുത്ത വര്‍ഷം മികച്ച വില ലഭിയ്ക്കുമെന്നതും താരത്തില്‍ നിന്ന് വലിയ പ്രകടനം പ്രതീക്ഷിക്കുവാനുള്ള ഒരു കാരണമാണെന്നും റിക്കി പോണ്ടിംഗ് വ്യക്തമാക്കി.

Advertisement