12 റൺസിനിടെ 5 വിക്കറ്റ് നഷ്ടം, അവസാനം ഒറ്റയാൾ പോരാട്ടവുമായി സൂര്യകുമാര്‍ യാദവ്

Sports Correspondent

Suryakumaryadav
Download the Fanport app now!
Appstore Badge
Google Play Badge 1

ഐപിഎലില്‍ റോയൽ ചലഞ്ചേഴ്സ് ബാംഗ്ലൂരിനെതിരെ ബാറ്റിംഗ് തകര്‍ച്ച നേരിട്ട് മുംബൈ ഇന്ത്യന്‍സ്. രോഹിത് ശര്‍മ്മയുടെ ബാറ്റിംഗ് മികവിൽ മുംബൈ 6.2 ഓവറിൽ 50 റൺസ് നേടി മികച്ച നിലയിലാണ് നിന്നതെങ്കിലും പിന്നീട് മുംബൈ തകരുന്ന കാഴ്ചയാണ് കണ്ടത്.

50/0 എന്ന നിലയിൽ നിന്ന് 12 റൺസ് നേടുന്നതിനിടെ 5 വിക്കറ്റാണ് മുംബൈ നഷ്ടമായത്. 79/6 എന്ന നിലയിലേക്ക് വീണ ശേഷം സൂര്യകുമാര്‍ യാദവും ജയ്ദേവ് ഉനഡ്കടും ചേര്‍ന്ന് മുംബൈയെ 151 റൺസിലേക്ക് എത്തിക്കുകയായിരുന്നു. ഇരുവരും ചേര്‍ന്ന് ഏഴാം വിക്കറ്റിൽ  41 പന്തിൽ നിന്ന് 72 റൺസാണ് നേടിയത്.

5 സിക്സുകള്‍ ഉള്‍പ്പെടെ 37 പന്തിൽ നിന്ന് 68 റൺസാണ് സൂര്യകുമാര്‍ യാദവ് നേടിയത്. ജയ്ദേവ് ഉനഡ്കട് 13 റൺസും നേടി.

ബാംഗ്ലൂരിന് വേണ്ടി വനിന്‍ഡു ഹസരംഗയും ഹര്‍ഷൽ പട്ടേലും രണ്ട് വീതം വിക്കറ്റ് നേടി.