ഐപിഎലില്‍ തങ്ങളുടെ സീസണിലെ ആദ്യ മത്സരം തോല്‍ക്കുകയെന്ന മുംബൈ ഇന്ത്യന്‍സിന്റെ പതിവ് ഇന്നും ആവര്‍ത്തിച്ചു. 214 റണ്‍സെന്ന വലിയ ലക്ഷ്യം പിന്തുടരവേ 176 റണ്‍സിനു മുംബൈ ഓള്‍ഔട്ട് ആവുകയായിരുന്നു. ഡി കോക്ക്, കീറണ്‍ പൊള്ളാര്‍ഡ്, ക്രുണാല്‍ പാണ്ഡ്യ എന്നിവര്‍ മികച്ച തുടക്കം നേടിയ ശേഷം പുറത്തായപ്പോള്‍ യുവരാജ് സിംഗ് തന്റെ അര്‍ദ്ധ ശതകം (53) നേടി പുറത്താകുകയായിരുന്നു.
തുടക്കം മോശമാണെങ്കിലും പിന്നീട് പലപ്പോഴും കളി നിലവാരം ഉയര്‍ത്തി പ്ലേ ഓഫിലേക്കും പിന്നീട് അത് കിരീടത്തിലേക്കും കൊണ്ടെത്തിക്കുവാന്‍ ശേഷിയുള്ള മുംബൈയ്ക്ക് ഈ തോല്‍വി അത്ര പുത്തരിയല്ലെന്ന് വേണം മനസ്സിലാക്കുവാന്‍.
