ഹസ്സി – റെയ്‍ന കൂട്ടുകെട്ട് നേടിയ റൺസിനെക്കാള്‍ കൂടുതൽ നേടി റുതുരാജ് – ഫാഫ് കൂട്ടുകെട്ട്

Rutufaf

കഴിഞ്ഞ സീസണിൽ ആദ്യം പുറത്ത് പോയ ചെന്നൈ സൂപ്പര്‍ കിംഗ്സ് ഇത്തവണ പ്ലേ ഓഫിലേക്ക് എത്തുന്ന ആദ്യ ടീമായി മാറിയപ്പോള്‍ എടുത്ത് പറയേണ്ട പ്രകടനം ചെന്നൈ ഓപ്പണര്‍മാരായ റുതുരാജ് ഗായ്ക്വാഡിന്റെയും – ഫാഫ് ഡു പ്ലെസിയുടെയും ആണ്. 400ലധികം റൺസാണ് ഇരുവരും ചേര്‍ന്ന് ഈ സീസണിൽ നേടിയത്.

കഴിഞ്ഞ സീസണിൽ റുതുരാജ് കോവിഡ് ബാധിതനായി ടീമിൽ നിന്ന് പുറത്ത് പോയ ശേഷം ടൂര്‍ണ്ണമെന്റിന്റെ അവസാന ഘട്ടത്തിൽ മാത്രമാണ് ടീമിലേക്ക് എത്തിയത്. അന്ന് മുതൽ ടീമിന്റെ നിര്‍ണ്ണായക ഘടകം ആയി മാറുവാന്‍ ഈ യുവ താരത്തിന് സാധിച്ചു.

ചെന്നൈയുടെ എക്കാലത്തെയും മികച്ച കൂട്ടുകെട്ടുകള്‍ നേടിയ മൈക്കൽ ഹസ്സി – സുരേഷ് റെയ്‍ന കൂട്ടുകെട്ടിന്റെ നേട്ടത്തെയാണ് ഇന്നത്തെ പ്രകടനത്തിലൂടെ റുതുരാജ് – ഫാഫ് കൂട്ടുകെട്ട് മറികടന്നത്.

Previous articleആ രണ്ട് കാര്യങ്ങള്‍ ഔദ്യോഗികമായി, ചെന്നൈ പ്ലേ ഓഫിലേക്ക്, സൺറൈസേഴ്സ് പുറത്തേക്ക്
Next articleക്രിസ് ഗെയില്‍ ഐപിഎലില്‍ നിന്ന് മടങ്ങുന്നു, കാരണം ബയോ ബബിളിലെ സമ്മര്‍ദ്ദം