ഹാര്‍ദ്ദിക്കിന്റെ മിന്നും ബൗളിംഗ് പ്രകടനം, ഫൈനലിൽ രാജസ്ഥാന്‍ ബാറ്റിംഗിന് താളം തെറ്റി, മതിയാകുമോ 130 റൺസ്?

Gujarattitans

ഗുജറാത്ത് ടൈറ്റന്‍സിനെതിരെ ഫൈനൽ മത്സരത്തിൽ രാജസ്ഥാന്‍ റോയൽസിന് ബാറ്റിംഗ് തകര്‍ച്ച. 9 വിക്കറ്റ് നഷ്ടത്തിൽ 130 റൺസാണ് ടീം നേടിയത്. 4 ഓവറിൽ 30 റൺസ് ഓപ്പണര്‍മാര്‍ നേടിയ ശേഷം ടീം 60/1 എന്ന നിലയിൽ നിന്ന് തകരുന്ന കാഴ്ചയാണ് കണ്ടത്.

Saikishore

ജൈസ്വാള്‍(22), ജോസ് ബട്‍ലര്‍(39) എന്നിവര്‍ മാത്രമാണ് റൺസ് കണ്ടെത്തിയ താരങ്ങള്‍. ഗുജറാത്ത് നായകന്‍ ഹാര്‍ദ്ദിക് പാണ്ഡ്യയുടെ മികവാര്‍ന്ന ബൗളിംഗ് ആണ് രാജസ്ഥാനെ പ്രതിരോധത്തിലാക്കിയത്. 4 ഓവറിൽ 17 റൺസ് മാത്രം വിട്ട് നൽകി ഹാര്‍ദ്ദിക് പാണ്ഡ്യ മൂന്ന് വിക്കറ്റ് നേടിയപ്പോള്‍ സായി കിഷോര്‍ രണ്ട് വിക്കറ്റ് നേടി. എട്ടാം വിക്കറ്റിൽ 17 റൺസുമായി റിയാന്‍ പരാഗ് – ഒബേദ് മക്കോയി കൂട്ടുകെട്ട് 130 റൺസിലേക്ക് രാജസ്ഥാനെ എത്തിക്കുകയായിരുന്നു.

പരാഗ് 15 റൺസ് നേടി പുറത്തായപ്പോള്‍ മക്കോയി 8 റൺസ് നേടി. സഞ്ജു സാംസൺ(14), ദേവ്ദത്ത് പടിക്കൽ(2), ഷിമ്രൺ ഹെറ്റ്മ്യര്‍(11), രവിചന്ദ്രന്‍ അശ്വിന്‍(6) എന്നിവര്‍ക്കാര്‍ക്കും നിലയുറപ്പിക്കുവാന്‍ സാധിക്കാത്തതും രാജസ്ഥാന് തിരിച്ചടിയായി.

Previous articleറാഗ്നിക്ക് ഇനി മാഞ്ചസ്റ്റർ യുണൈറ്റഡിനൊപ്പം ഉണ്ടാകില്ല
Next articleസബ്ജൂനിയർ കിരീടം മലപ്പുറത്തിന്