പഞ്ചാബിനെ എറിഞ്ഞിട്ട് ബെംഗളൂരുവിന് തകർപ്പൻ ജയം

- Advertisement -

റോയൽ ചലഞ്ചേഴ്‌സ് ബെംഗളൂരുവിന് മുന്നിൽ തകർന്നടിഞ്ഞ് പഞ്ചാബ്. 8.1 ഓവറിലാണ് ബെംഗളൂരു വിജയം കണ്ടെത്തിയത്. വിക്കറ്റൊന്നും നഷ്ടപ്പെടുത്താതെയാണ് വിജയലക്ഷ്യം ബെംഗളൂരു ചെസ് ചെയ്തത്. പുറത്താകാതെ ക്യാപ്റ്റൻ കോഹ്‌ലിയും പാർഥിവ് പട്ടേലുമാണ് ബെംഗളൂരുവിന് അനായാസ ജയം സമ്മാനിച്ചത്. 28 പന്തുകളെ നേരിട്ട കോഹ്ലി 48 റൺസും 22 പന്തുകളെ നേരിട്ട പട്ടേൽ 40 റൺസും നേടി. അങ്കിത് രാജ്പൂതിനെ അവസാന പന്ത് ബൗണ്ടറി കടത്തിയാണ് കോഹ്ലി RCB വേണ്ടി ജയം സ്വന്തമാക്കിയത്

89 റൺസാണ് ബെംഗളൂരുവിലെ വിജയലക്ഷ്യം. ടോസ് നേടി പഞ്ചാബിനെയാദ്യം ബാറ്റിങിനയച്ച ക്യാപ്റ്റൻ കോഹ്‌ലിയുടെ തീരുമാങ്ങൾ ശരിവെക്കുന്നതായിരുന്നു മത്സരം. ആദ്യം ബാറ്റ് ചെയ്ത പഞ്ചാബ് ഓവറിൽ 88 റൺസിന്‌ പുറത്തതായി. രണ്ടു താരങ്ങൾ സംപൂജ്യരായി പുറത്ത് പോയി. രാഹുലും(21) ഗെയിലും(18) ആരോൺ ഫിഞ്ചും(26) മാത്രമാണ് പഞ്ചാബ് നിരയിൽ പിടിച്ച് നിന്നത്.

9 റൺസുമായി അക്‌സർ പട്ടേൽ മാത്രമാണ് പുറത്തവാതെ നിന്നത്. കരുണ്‍ നായര്‍ ഒരു റണ്‍സെടുത്ത് പവലിയനിലേക്ക് മടങ്ങി .അശ്വിനും ആൻഡ്രു ടൈയും സംപൂജ്യരായി മടങ്ങി. പഞ്ചാബിന്റെ പേര് കേട്ട ബാറ്റിംഗ് നിര ഉമേഷ് യാദവ് നയിച്ച ബെംഗളൂരുവിന്റെ ബോളിംഗിനു മുന്നിൽ തകരുകയായിരുന്നു. 23 റൺസ് വിട്ടു കൊടുത്തു യാദവ് മൂന്നു വിക്കറ്റ് വീഴ്ത്തി. സിറാജ്, ചാഹൽ, മൊയീൻ അലി, ഗ്രാൻഡ്ഹോം എന്നിവർ ഓരോ വിക്കറ്റ് വീതം വീഴ്ത്തി

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement