രാജസ്ഥാന്‍ റോയല്‍സിലേക്ക് പാഡി അപ്ടണ്‍ കോച്ചായി മടങ്ങിയെത്തുന്നു

ഇന്ത്യന്‍ പ്രീമിയര്‍ ലീഗ് 2019ല്‍ രാജസ്ഥാന്‍ റോയല്‍സിനെ പാഡി അപ്ടണ്‍ പരിശീലിപ്പിക്കും. 2013-15 വരെ ടീം കോച്ചായിരുന്ന അപ്ടണ്‍ 2016, 17 സീസണുകളില്‍ ഡല്‍ഹിയുടെ സപ്പോര്‍ട്ട് സ്റ്റാഫിലേക്ക് പോകുകയായിരുന്നു. ബിഗ് ബാഷ്, പിഎസ്എല്‍ എന്നിവടങ്ങളില്‍ കോച്ചായി സേവനം അനുഷ്ഠിച്ചിട്ടുള്ള പാഡി ഇന്ത്യയുടെ ലോകകപ്പ് വിജയിച്ച 2011ലെ സ്ക്വാഡില്‍ ഗാരി കിര്‍സ്റ്റനു കീഴിലും പ്രവര്‍ത്തിച്ചിട്ടുണ്ട്.

രാജസ്ഥാന്റെ മുഖ്യ കോച്ചായാണ് പാഡി തിരികെ എത്തുന്നത്. സ്റ്റെഫാന്‍ ജോണ്‍സ്(ഫാസ്റ്റ് ബൗളിംഗ് കോച്ച്), അമോല്‍ മജൂംദാര്‍(ബാറ്റിംഗ് കോച്ച്), സായിരാജ് ബഹുതുലെ(സ്പിന്‍ ബൗളിംഗ് കോച്ച്) എന്നിവര്‍ക്കൊപ്പമാവും പാഡി പ്രവര്‍ത്തിക്കുക.