ഓറഞ്ച് ക്യാപ് പോരാട്ടത്തില്‍ രണ്ടാം മത്സരം കഴിഞ്ഞപ്പോള്‍ ഋഷഭ് പന്തില്‍ നിന്ന് ക്യാപ് തട്ടിയെടുത്ത് നിതീഷ് റാണ്. ഇന്ന് റാണയുടെ 34 പന്തില്‍ നിന്നുള്ള 63 റണ്‍സാണ് താരത്തിനു ഈ നേട്ടം സ്വന്തമാക്കുവാന്‍ സഹായിച്ചത്. ആദ്യ മത്സരത്തില്‍ സണ്‍റൈസേഴ്സിനെതിരെ താരം 68 റണ്‍സ് നേടിയിരുന്നു. രണ്ട് മത്സരങ്ങളില്‍ നിന്നായി നിതീഷ് റാണ 131 റണ്‍സാണ് നേടിയിട്ടുള്ളത്.
രണ്ടാം സ്ഥാനത്തുള്ള ഋഷഭ് പന്ത് 103 റണ്‍സാണ് സ്വന്തമാക്കിയിട്ടുള്ളത്. റോബിന്‍ ഉത്തപ്പ 102 റണ്‍സുമായി മൂന്നാം സ്ഥാനത്ത് നില്‍ക്കുന്നു. ഇന്ന് 67 റണ്‍സ് നേടി പുറത്താകാതെ നില്‍ക്കുകയായിരുന്നു റോബിന്‍ ഉത്തപ്പ.
