വരുന്ന ഐ.പി.എല്ലുകൾ റിഷഭ് പന്തിനും സഞ്ജു സാംസണും നിർണായകം : മഞ്ചരേക്കർ

Photo: PTI
- Advertisement -

അടുത്ത വർഷം ഇന്ത്യയിൽ നടക്കുന്ന ലോകകപ്പിന് മുൻപുള്ള രണ്ട് ഇന്ത്യൻ പ്രീമിയർ ലീഗുകൾ യുവതാരങ്ങളായ സഞ്ജു സാംസണും റിഷഭ് പന്തിനും നിർണായകമാണെന്ന് മുൻ ഇന്ത്യൻ താരം സഞ്ജയ് മഞ്ചരേക്കർ. റിഷഭ് പന്തും സഞ്ജു സാംസണും പ്രകടനത്തിൽ കൂടുതൽ സ്ഥിരത കൊണ്ടുവരണമെന്നും മഞ്ചരേക്കർ പറഞ്ഞു. 2021ൽ നടക്കുന്ന ലോകകപ്പിന് മുൻപ് രണ്ട് ഇന്ത്യൻ പ്രീമിയർ ലീഗ് മത്സരങ്ങൾ നടക്കുന്നത്കൊണ്ട് തന്നെ ലോകകപ്പിനുള്ള ഇന്ത്യൻ ടീമിന്റെ ഘടനയിലും മാറ്റം ഉണ്ടാവുമെന്ന് സഞ്ജയ് മഞ്ചരേക്കർ പറഞ്ഞു.

നിലവിൽ ടീമിൽ സ്ഥാനം ഉറപ്പിച്ച പലരുടെയും സ്ഥാനത്തിന് കോട്ടം തട്ടുമെന്നും ഇപ്പൊ ടീമിൽ സ്ഥിരസാന്നിദ്ധ്യമായ കെ.എൽ രാഹുലിനെ പോലെയുള്ളവർക്ക് അവസരം കിട്ടുമെന്ന് ഉറപ്പ് പറയാൻ കഴിയില്ലെന്നും മഞ്ചരേക്കർ പറഞ്ഞു. ഇന്ത്യൻ ടീമിൽ സ്ഥാനം ഉറപ്പിക്കാൻ റിഷഭ് പന്തിന് 2 ഐ.പി.എൽ ടൂർണമെന്റുകൾ ഉണ്ടെന്നും എന്നാൽ ഈ 2 ടൂർണമെന്റിലും ധോണിയും കളിക്കുന്നത് രസകരമാവുമെന്നും മഞ്ചരേക്കർ പറഞ്ഞു.

Advertisement