ഇന്ത്യൻ പ്രീമിയർ ലീഗിൽ മുംബൈ ഇന്ത്യൻസ് ക്യാപ്റ്റൻ രോഹിത് ശർമ്മയ്ക്ക് പിഴ. കിങ്‌സ് ഇലവൻ പഞ്ചാബിനെതിരായ മത്സരത്തിലെ കുറഞ്ഞ ഓവർ റേറ്റിനാണ് മുംബൈ ഇന്ത്യൻ ക്യാപ്റ്റൻ രോഹിത് ശർമ്മയ്ക്ക് പിഴയിട്ടത്. മൊഹാലിയിൽ വെച്ച് നടന്ന മത്സരത്തിൽ മുംബൈ ഇന്ത്യൻസിനെ 8 വിക്കറ്റിനു പരാജയപ്പെടുത്തി കിംഗ്സ് ഇലവന്‍ പഞ്ചാബ് തങ്ങളുടെ രണ്ടാം ജയം സ്വന്തമാക്കിയിരുന്നു.
ഈ സീസണിലെ മുംബൈ ഇന്ത്യൻസിന്റെ ആദ്യ ഒഫെൻസാണ് ഇത്. 12 ലക്ഷം രൂപയാണ് രോഹിതിന് പിഴയായി വിധിച്ചത്. കിംഗ്സ് ഇലവനു വേണ്ടി ക്രിസ് ഗെയിലും മയാംഗ് അഗര്‍വാളും സീസണിലെ കന്നി അര്‍ദ്ധ ശതകം നേടി ലോകേഷ് രാഹുലൂം മികച്ച പ്രകടനമാണ് കാഴ്ചവെച്ചത്. 57 പന്തില്‍ നിന്ന് 71 റണ്‍സ് നേടിയ ലോകേഷ് രാഹുലിന്റെ മികവില്‍ 18.4 ഓവറില്‍ കിങ്‌സ് ഇലവൻ പഞ്ചാബ് മുംബൈ ഇന്ത്യൻസിനെതിരെ വിജയം കുറിയ്ക്കുകയായിരുന്നു.
