Local Sports News in Malayalam

ഐപിഎലില്‍ നിന്ന് പിന്മാറുന്നതായി അറിയിച്ച് മിച്ചല്‍ മാര്‍ഷ്

സണ്‍റൈസേഴ്സ് ഹൈദ്രാബാദ് ഓള്‍റൗണ്ടര്‍ മിച്ചല്‍ മാര്‍ഷ് ഐപിഎലില്‍ നിന്ന് പിന്മാറുന്നതായി അറിയിച്ചു. ബയോ ബബിളില്‍ വളരെ അധികം സമയം ചെലവഴിക്കേണ്ടി വരുമെന്നതിനാലാണ് താരത്തിന്റെ ഈ തീരുമാനം. ബിസിസിഐയെയും സണ്‍റൈസേഴ്സ് ഹൈദ്രാബാദിനെയും താരം വിവരം അറിയിച്ചുവെന്നാണ് അറിയുന്നത്.

2 കോടി രൂപയുടെ അടിസ്ഥാന വിലയ്ക്കാണ് താരത്തെ സണ്‍റൈസേഴ്സ് 2020ലെ ഐപിഎല്‍ ലേലത്തില്‍ സ്വന്തമാക്കിയത്. കഴിഞ്ഞ സീസണില്‍ സണ്‍റൈസേഴ്സിന്റെ റോയല്‍ ചലഞ്ചേഴ്സ് ബാംഗ്ലൂരിനെതിരെയുള്ള മത്സരത്തില്‍ പരിക്കേറ്റ താരം പിന്നീട് ടൂര്‍ണ്ണമെന്റില്‍ പങ്കെടുത്തില്ല. പകരം ജേസണ്‍ ഹോള്‍ഡറെ സണ്‍റൈസേഴ്സ് ടീമിലെത്തിക്കുകയായിരുന്നു.

You might also like