ബാറ്റിംഗ് മറന്ന പഞ്ചാബ് കിംഗ്സിനെ മുന്നോട്ട് നയിച്ച് നായകന്‍ മയാംഗിന്റെ 99*

Mayankagarwal
- Advertisement -

ഐപിഎലില്‍ ഇന്ന് ഡല്‍ഹി ക്യാപിറ്റല്‍സിനെതിരെ ആദ്യം ബാറ്റ് ചെയ്ത പഞ്ചാബ് കിംഗ്സിനെ മുന്നോട്ട് നയിച്ച് താത്കാലിക നായകന്‍ മയാംഗ് അഗര്‍വാള്‍. 58 പന്തില്‍ പുറത്താകാതെ 99 റണ്‍സ് നേടിയ താരം ടീമിനെ 6 വിക്കറ്റ് നഷ്ടത്തില്‍ 166 റണ്‍സ് എന്ന പൊരുതാവുന്ന സ്കോറിലേക്ക് നയിക്കുകയായിരുന്നു.

തുടക്കം തന്നെ പ്രഭ്സിമ്രാനെയും ക്രിസ് ഗെയിലിനെയും നഷ്ടമായ ടീം 35/2 എന്ന നിലയിലേക്ക് വീണുവെങ്കിലും മൂന്നാം വിക്കറ്റില്‍ മയാംഗും ദാവിദ് മലാനും ചേര്‍ന്ന് 52 റണ്‍സ് നേടിയെങ്കിലും ഏറെ ഓവറുകളാണ് ഇരുവരും നേരിട്ടത്. മലാന് തന്റെ ഇന്നിംഗ്സ് വിചാരിച്ച രീതിയില്‍ മുന്നോട്ട് നയിക്കാനാകാതെ പോയതും ടീമിന് തിരിച്ചടിയായി.

8 ബൗണ്ടറിയും 4 സിക്സും നേടിയ മയാംഗിന്റെ ക്യാപ്റ്റന്റെ ഇന്നിംഗ്സാണ് പഞ്ചാബ് കിംഗ്സിനെ 166/6 എന്ന സ്കോറിലേക്ക് നയിച്ചത്.

26 പന്തില്‍ 26 റണ്‍സ് നേടി കഷ്ടപ്പെടുകയായിരുന്ന താരത്തെ അക്സര്‍ പട്ടേല്‍ ആണ് പുറത്താക്കിയത്. പിന്നീട് മയാംഗ് അഗര്‍വാള്‍ ഒറ്റയ്ക്ക് ടീമിനെ മുന്നോട്ട് നയിക്കുകയായിരുന്നു. ഡല്‍ഹി ബൗളര്‍മാരില്‍ 3 വിക്കറ്റ് നേടി കാഗിസോ റബാഡ മുന്നിട്ട് നിന്നപ്പോള്‍ അക്സര്‍ പട്ടേല്‍ വെറും 21 റണ്‍സ് മാത്രം വിട്ട് നല്‍കി ഒരു വിക്കറ്റ് നേടി.

Advertisement