സ്റ്റോയിനിസ്സിനും ബ്രാത്‍വൈറ്റിനും ആവശ്യക്കാരില്ല, എവിന്‍ ലൂയിസിനും ഗപ്ടിലിനും ഇന്‍ഗ്രാമിനും നിരാശ

ഐപിഎല്‍ 2020ലേക്കുള്ള ലേലത്തില്‍ പല വിദേശ താരങ്ങള്‍ക്കും ആദ്യ റൗണ്ട് ലേലം കഴിയുമ്പോള്‍ നിരാശ. ഓള്‍റൗണ്ടര്‍മാരായ കാര്‍ലോസ് ബ്രാത്‍വൈറ്റിനും മാര്‍ക്കസ് സ്റ്റോയിനിസിനും ആവശ്യക്കാരില്ലാതെ വന്നപ്പോള്‍ ബാറ്റ്സ്മാന്മാരായ എവിന്‍ ലൂയിസ്, മാര്‍ട്ടിന്‍ ഗപ്ടില്‍, കോളിന്‍ ഇന്‍ഗ്രാം എന്നിവര്‍ക്കും ആവശ്യക്കാരില്ലാതെ പോയി.

പഞ്ചാബില്‍ നിന്ന് ബാംഗ്ലൂര്‍ നിരയിലേക്ക് എത്തിയെങ്കിലും കഴിഞ്ഞ സീസണില്‍ കാര്യമായ പ്രകടനം സ്റ്റോയിനിസിന് പുറത്തെടുക്കുവാനായിരുന്നില്ല. തുടര്‍ന്ന് താരത്തെ ടീം റീലീസ് ചെയ്തു. സണ്‍റൈസേഴ്സ് നിരയില്‍ വേണ്ടത്ര അവസരം ലഭിക്കാതിരുന്ന താരമാണ് ബ്രാത്വൈറ്റ്.

ഇന്‍ഗ്രാം ഡല്‍ഹിയില്‍ വേണ്ടത്ര അവസരം ലഭിച്ചുവെങ്കിലും വലിയ പ്രകടനം താരത്തിന് നേടാനായിരുന്നില്ല. മുന്‍ പഞ്ചാബ് താരം മാര്‍ട്ടിന്‍ ഗപ്ടിലിനും ആവശ്യക്കാരില്ലാതെ പോകുകയായിരുന്നു. കഴിഞ്ഞ വര്‍ഷം സണ്‍റൈസേഴ്സ് സ്വന്തമാക്കിയ താരത്തിന് ഡേവിഡ് വാര്‍ണറും ജോണി ബൈര്‍സ്റ്റോയും മികച്ച ഫോമില്‍ കളിച്ചതോടെ അവസരം നഷ്ടപ്പെടുകയായിരുന്നു.

Previous articleഅടിസ്ഥാന വിലയ്ക്ക് കില്ലര്‍ മില്ലറിനെ സ്വന്തമാക്കി രാജസ്ഥാന്‍ റോയല്‍സ്, സൗരഭ് തിവാരി മുംബൈയിലേക്ക്
Next articleമിച്ചല്‍ മാര്‍ഷ് സണ്‍റൈസേഴ്സിലേക്ക്, ജെയിംസ് നീഷമിനെ സ്വന്തമാക്കി പഞ്ചാബ്