മാജിക്കല്‍ മയാംഗ്, പിന്തുണയുമായി ലോകേഷ് രാഹുലും, രാജസ്ഥാന്‍ കടക്കേണ്ടത് റണ്‍ മല

Mayank
- Advertisement -

രാജസ്ഥാന്‍ റോയല്‍സിനെതിരെ ഇന്നത്തെ ഐപിഎല്‍ മത്സരത്തില്‍ ശതകം നേടി മയാംഗ് അഗര്‍വാള്‍. ഐപിഎലിലെ തന്റെ കന്നി ശതകമാണ് ഇന്ന് മയാംഗ് അഗര്‍വാള്‍ നേടിയത്. 26 പന്തില്‍ നിന്ന് അര്‍ദ്ധ ശതകം നേടിയ താരം 19 പന്തില്‍ നിന്ന് തന്റെ അടുത്ത 50 റണ്‍സ് നേടി ഐപിഎലിലെ കന്നി ശതകം നേടി.

Klrahul

ലോകേഷ് രാഹുലുമായുള്ള കൂട്ടുകെട്ടില്‍ രാജസ്ഥാന്‍ ബൗളര്‍മാരെകശാപ്പ് ചെയ്തപ്പോള്‍ കിംഗ്സ് ഇലവന്‍ പഞ്ചാബ് 20 ഓവറില്‍ നിന്ന് 223 റണ്‍സാണ് നേടിയത്. മത്സരത്തില്‍ ലോകേഷ് രാഹുലും മികച്ച ഇന്നിംഗ്സാണ് കാഴ്ചവെച്ചത്. ഇരുവരും ചേര്‍ന്ന് ഒന്നാം വിക്കറ്റില്‍ 183 റണ്‍സാണ് നേടിയത്.

50 പന്തില്‍ 106 റണ്‍സാണ് മയാംഗ് അഗര്‍വാള്‍ നേടിയത്. 10 ഫോറും7 സിക്സുമാണ് താരം നേടിയത്. ടോം കറനാണ് മയാംഗിന്റെ വിക്കറ്റ് നേടിയത്. അധികം വൈകാതെ ലോകേഷ് രാഹുലും മടങ്ങി.54 പന്തില്‍ നിന്ന് 69 റണ്‍സാണ് രാഹുല്‍ നേടിയത്. അങ്കിത് രാജ്പുതിനാണ് വിക്കറ്റ് ലഭിച്ചത്.

അവസാന ഓവറുകളില്‍ നിക്കോളസ് പൂരനും ഗ്ലെന്‍ മാക്സ്വെല്ലും കൂടി 29 റണ്‍സ് കൂടി നേടിയപ്പോള്‍ പഞ്ചാബ് 223 റണ്‍സ് നേടി. പൂരന്‍ 8 പന്തില്‍ 25 റണ്‍സ് നേടിയപ്പോള്‍ മാക്സ്വെല്‍ 13 റണ്‍സ് നേടി.

Advertisement