വിരാടിനെതിരെ വിമര്‍ശനവുമായി സഞ്ജയ് മഞ്ജരേക്കര്‍, 50നോട് അടുത്തെത്തിയപ്പോള്‍ വിരാടിന്റെ ഇന്നിംഗ്സിന് താളം തെറ്റി

Viratkohli

റോയൽ ചലഞ്ചേഴ്സ് ബാംഗ്ലൂര്‍ നായകന്‍ വിരാട് കോഹ്‍ലി തന്റെ ഇന്നിംഗ്സ് 50ന് അടുത്തെത്തിയപ്പോള്‍ സ്ലോ ആക്കിയെന്ന് പറഞ്ഞ് സഞ്ജയ് മഞ്ജരേക്കര്‍. മികച്ച രീതിയിൽ തുടങ്ങിയ കോ‍ഹ്‍ലി ഒരു ആവശ്യവുമില്ലാതെയാണ് ഈ രീതിയിലേക്ക് മാറിയതെന്നും അത് താരത്തിന്റെ ഇന്നിംഗ്സിന്റെ താളം തെറ്റിച്ചുവന്നും മഞ്ജരേക്കര്‍ വ്യക്തമാക്കി.

41 പന്തിൽ 53 റൺസാണ് വിരാട് കോഹ്‍ലി നേടിയത്. 40 റൺസ് എത്തിയ ശേഷം വിരാടിന്റെ ഇന്നിംഗ്സ് മെല്ലെയായെന്നും അതു വരെ കോഹ്‍ലി മികച്ച രീതിയിൽ ഒരു ടി20 ഓപ്പണര്‍ കളിക്കുന്ന രീതിയിലാണ് ബാറ്റ് വീശിയതെന്നും സഞ്ജയ് മഞ്ജരേക്കര്‍ വ്യക്തമാക്കി.

വളരെ വ്യത്യസ്തനായ കോഹ്‍ലിയെയാണ് ഏവരും കണ്ടത്. ഫാസ്റ്റ് ബൗളര്‍മാര്‍ക്കെതിരെ ക്രീസിന് പുറത്തിറങ്ങി അടിക്കുന്ന കോഹ്‍ലി മികച്ച ഫോമിലുമായിരുന്നുവെന്ന് സ‍ഞ്ജയ് പറഞ്ഞു. എന്നാൽ 40ന് അടുത്തെത്തിയപ്പോള്‍ താരം ശൈലി മാറ്റിയത് വിനയായി എന്നും സഞ്ജയ് പറഞ്ഞു. 40 റൺസിന് ശേഷം കോഹ്‍ലി 13 പന്തിൽ 15 റൺസ് മാത്രമാണ് നേടിയത്.

Previous article175 റൺസ് നേടിയിരുന്നുവെങ്കില്‍ കാര്യങ്ങള്‍ മാറി മറിഞ്ഞേനെ – വിരാട് കോഹ്‍ലി
Next articleതാന്‍ ബ്രാവോയോട് ആവശ്യപ്പെട്ടത് ഒരോവറിൽ ആറ് വ്യത്യസ്തമായ പന്തുകള്‍ എറിയുവാന്‍ – എംഎസ് ധോണി