ജസ്പ്രീത് ബുംറ ലോകത്തിലെ ഏറ്റവും മികച്ച ബൗളര്‍ – സൂര്യകുമാര്‍ യാദവ്

Jaspritbumrah
Photo: IPL

ചെന്നൈ സൂപ്പര്‍ കിംഗ്സിനെതിരെ ആദ്യ മത്സരത്തില്‍ മികവ് പുലര്‍ത്താനായില്ലെങ്കിലും മുംബൈ ഇന്ത്യന്‍സിന്റെ രണ്ടാം മത്സരത്തില്‍ കൊല്‍ക്കത്തയെ ടീം തകര്‍ത്തപ്പോള്‍ ബൗളിംഗില്‍ ശ്രദ്ധേയമായ പ്രകടനം പുറത്തെടുത്ത് ജസ്പ്രീത് ബുംറയായിരുന്നു. കൊല്‍ക്കത്തയ്ക്കെതിരെ മൂന്നോവറില്‍ 5 റണ്‍സ് മാത്രം വിട്ട് നല്‍കിയാണ് താരം രണ്ട് വിക്കറ്റ് നേടിയത്. അവസാന ഓവറില്‍ ബുംറയെ പാറ്റ് കമ്മിന്‍സ് അടിച്ചകയറ്റിയപ്പോള്‍ താരം 27 റണ്‍സ് വഴങ്ങിയെങ്കിലും അതിന് മുമ്പ് തന്നെ കൊല്‍ക്കത്തയുടെ കഥ ബുംറ കഴിച്ചിരുന്നു.

49 റണ്‍സ് തോല്‍വിയിലേക്ക വീണ കൊല്‍ക്കത്തയുടെ തകര്‍ച്ച ഉറപ്പാക്കിയത് ജസ്പ്രീത് ബുംറയുടെ പ്രകടനമാണെന്നും താന്‍ ബുംറയെ ലോകത്തിലെ ഏറ്റവും മികച്ച ബൗളറായാണ് കരുതുന്നതെന്നും സഹ താരം സൂര്യകുമാര്‍ യാദവ് വ്യക്തമാക്കി. നെറ്റ്സില്‍ താരത്തിന്റെ വര്‍ക്ക് എത്തിക്സും അച്ചടക്കുവുമെല്ലാം അവിശ്വസനീയമാണെന്നാണ് സൂര്യകുമാര്‍ യാദവ് വ്യക്തമാക്കിയത്.

ആദ്യ മത്സരത്തിലെ തിരിച്ചടിയ്ക്ക് ശേഷം താരം ശക്തമായ തിരിച്ചുവരവാണ് നടത്തിയതെന്നും ടൂര്‍ണ്ണമെന്റ് പുരോഗമിക്കുമ്പോള്‍ ഇനിയും ശക്തമായ പ്രകടനങ്ങള്‍ താരത്തില്‍ നിന്നുണ്ടാകുമെന്നും സൂര്യകുമാര്‍ യാദവ് പ്രത്യാശ പ്രകടിപ്പിച്ചു.

Previous articleമാറ്റങ്ങളില്ലാതെ ആര്‍സിബി ബൗളിംഗിനിറങ്ങുന്നു
Next articleഓരോ രാജ്യവും തങ്ങളുടെ വിക്കറ്റ് കീപ്പർമാർ ധോണിയെ പോലെയാവണമെന്ന് ആഗ്രഹിക്കുന്നു: സഞ്ജു സാംസൺ