വിന്‍ഡീസിനെതിരെ മികവ് പുലര്‍ത്തിയാല്‍ കൈല്‍ ജാമിസണിന് ഐപിഎല്‍ കരാര്‍ ലഭിയ്ക്കുമെന്ന് ഷെയിന്‍ ബോണ്ട്

Sports Correspondent

Download the Fanport app now!
Appstore Badge
Google Play Badge 1

വിന്‍ഡീസിനെതിരെ ടി20 പരമ്പരയില്‍ മികവ് പുലര്‍ത്തിയാല്‍ ന്യൂസിലാണ്ട് യുവ താരം കൈല്‍ ജാമിസണിന് ഐപിഎല്‍ കരാര്‍ ലഭിയ്ക്കുവാന്‍ വലിയ സാധ്യതയുണ്ടെന്ന് പറഞ്ഞ് മുന്‍ താരം ഷെയിന്‍ ബോണ്ട്. മുംബൈ ഇന്ത്യന്‍സിന്റെ ബൗളിംഗ് കോച്ച് കൂടിയായി ബോണ്ടിന്റെ അഭിപ്രായത്തില്‍ കൈല്‍ കഴിഞ്ഞ സീസണില്‍ ന്യൂസിലാണ്ടിന് വേണ്ടി തകര്‍പ്പന്‍ പ്രകടനമാണ് പുറത്തെടുത്തതെന്നാണ്.

താരത്തിന്റെ ഈ പ്രകടന മികവ് ന്യൂസിലാണ്ടിനെ ഇന്ത്യയ്ക്കെതിരെയുള്ള ഏകദിന, ടെസ്റ്റ് പരമ്പരകള്‍ വിജയിക്കുവാന്‍ സാധ്യമാക്കി. ഇതാദ്യമായി വിന്‍ഡീസിനെതിരെ ടി20യില്‍ ജാമിസണിന് അവസരം ലഭിച്ചിട്ടുണ്ട്. ഐപിഎല്‍ നാല് മുതല്‍ അഞ്ച് മാസം അകലെ തന്നെ നടക്കുവാനുള്ള സാധ്യതയുള്ളതിനാല്‍ തന്നെ ഈ അവസരം ന്യൂസിലാണ്ട് യുവതാരം കൈക്കലാക്കിയാല്‍ താരത്തിന് ഐപിഎല്‍ കരാര്‍ ലഭിയ്ക്കുമെന്നാണ് ബോണ്ട് വ്യക്തമാക്കുന്നത്.