തന്നെ പോലുള്ള യുവതാരങ്ങള്‍ക്കുള്ള സുവര്‍ണ്ണാവസരമാണ് ഐപിഎല്‍ എന്ന് ഡല്‍ഹി ക്യാപിറ്റല്‍സിന്റെ നേപ്പാള്‍ താരം സന്ദീപ് ലാമിച്ചാനെ. ഐപിഎലില്‍ രണ്ടാം വര്‍ഷം കളിക്കാനെത്തുന്ന താരം ബിഗ് ബാഷില്‍ മികച്ച പ്രകടനം പുറത്തെടുത്ത ശേഷമാണ് ഐപിഎലിലേക്ക് എത്തുന്നത്. അന്താരാഷ്ട്ര മത്സരങ്ങളുടെ അഭാവവും നാട്ടിലെ ലീഗുകള്‍ അത്ര മികച്ച നിലവാരത്തിലുള്ളതല്ലാത്തതും തന്നെ പോലെ ചെറു രാജ്യത്തില്‍ നിന്നുള്ള ക്രിക്കറ്റര്‍മാര്‍ക്ക് എന്നും വെല്ലുവിളിയാണെന്ന് സന്ദീപ് പറഞ്ഞു. ഞങ്ങള്‍ക്ക് ലഭിയ്ക്കുന്ന ഏറ്റവും വലിയ അവസരങ്ങളാണ് ഇത്തരം ടി20 ലീഗുകള്‍.
ഇവിടെ ലഭിയ്ക്കുന്ന സൗകര്യങ്ങളൊന്നും തനിക്ക് നാട്ടില്‍ ലഭിയ്ക്കില്ലെന്നും ഈ പതിനെട്ട് വയസ്സുകാരന്‍ വ്യക്തമാക്കി. അതിനാല്‍ തന്നെ തനിക്ക് ലഭിയ്ക്കുന്ന ഓരോ അവസരവും താന്‍ തന്റെ കഴിവിന്റെ പരമാവധി പുറത്തെടുക്കുവാന്‍ ശ്രമിക്കാറുണ്ടെന്നും യുവതാരം വ്യക്തമാക്കി.
