ഐപിഎലില്‍ റോയല്‍ ചലഞ്ചേഴ്സ് ബാംഗ്ലൂരിന് വേണ്ടി കളിച്ചിട്ടുള്ള ഐപിഎലിന്റെ 13ാം സീസണില്‍ കിംഗ്സ് ഇലവന്‍ പഞ്ചാബിന് വേണ്ടി കളിക്കാനിരിക്കുന്ന മന്‍ദീപ് സിംഗ് തന്റെ ഐപിഎലിലെ ഏറ്റവും പ്രിയപ്പെട്ട അഞ്ച് ബാറ്റിംഗ് താരങ്ങളെ തിരഞ്ഞെടുത്തു. തന്റഎെ മുന്‍ ക്യാപ്റ്റനായ വിരാട് കോഹ്‍ലിയാണ് പട്ടികയില്‍ ഒന്നാമത്. റോയല്‍ ചലഞ്ചേഴ്സ് ബാംഗ്ലൂരിലെ കോഹ്‍ലിയുടെ സഹതാരം എബി ഡി വില്ലിയേഴ്സ് ആണ് മന്‍ദീപിന്റെ രണ്ടാമത്തെ പ്രിയപ്പെട്ട താരം.
അടുത്തതായി മന്‍ദീപ് തിരഞ്ഞെടുത്തത് വെടിക്കെട്ട് വീരന്മാരായ ഡേവിഡ് വാര്‍ണറെയും ക്രിസ് ഗെയിലിനെയുമാണ്. അഞ്ചാമതായി താരം തിരഞ്ഞെടുത്തത് അപകടകാരിയായ കരീബിയന്‍ താരം ആന്‍ഡ്രേ റസ്സലിനെയാണ്. കഴിഞ്ഞ സീസണില്‍ മാത്രം 510 റണ്‍സാണ് റസ്സല്‍ നേടിയത്.
ഐപിഎലില്‍ ചെറിയ ഇന്നിംഗ്സുകളാണ് കളിച്ചിട്ടുള്ളതെങ്കിലും വേഗതയാര്‍ന്ന സ്കോറിംഗാണ് മന്‍ദീപും നടത്തുന്നത്. ഇതുവരെ 97 മത്സരങ്ങളില്‍ നിന്ന് താരം 1529 റണ്‍സാണ് നേടിയിട്ടുള്ളത്. ഇതില്‍ അഞ്ച് അര്‍ദ്ധ ശതകങ്ങളും ഉള്‍പ്പെടുന്നു.
