തോറ്റെങ്കിലും ബാറ്റിംഗ് റെക്കോർഡിട്ട് സാം കറനും ഇമ്രാൻ താഹിറും

Staff Reporter

Download the Fanport app now!
Appstore Badge
Google Play Badge 1

ഇന്ത്യൻ പ്രീമിയർ ലീഗിൽ മുംബൈ ഇന്ത്യൻസിനെതിരെ വമ്പൻ തോൽവിയേറ്റുവാങ്ങിയെങ്കിലും ബാറ്റിംഗ് കൂട്ടുകെട്ടിൽ പുതിയ ഐ.പി.എൽ റെക്കോർഡിട്ട് ചെന്നൈ സൂപ്പർ കിങ്‌സ് താരങ്ങളായ സാം കറനും ഇമ്രാൻ താഹിറും. ഇന്ത്യൻ പ്രീമിയർ ലീഗ് ചരിത്രത്തിലെ ഏറ്റവും വലിയ ഒൻപതാം വിക്കറ്റ് കൂട്ടുകെട്ടാണ് ഇരു താരങ്ങളും ഇന്നലെ പടുത്തുയർത്തിയത്.

പവർ പ്ലേയിൽ തന്നെ 5 വിക്കറ്റ് നഷ്ടപ്പെട്ട് ചെന്നൈ സൂപ്പർ കിങ്‌സ് വമ്പൻ തകർച്ചയെ നേരിടുന്ന സമയത്താണ് സാം കറനും ഇമ്രാൻ താഹിറും ചേർന്ന് ചെന്നൈ സ്കോർ 100 കടത്തിയത്. ഇരുവരും ചേർന്ന് 43 റൺസാണ് ഒൻപതാം വിക്കറ്റിൽ കൂട്ടിച്ചേർത്തത്. സാം സാം കറൻ 47 പന്തിൽ 52 റൺസ് എടുത്തപ്പോൾ ഇമ്രാൻ താഹിർ 10 പന്തിൽ 13 പന്തുമായി പുറത്താവാതെ നിന്നു.

മത്സരത്തിൽ ആദ്യം ബാറ്റ് ചെയ്ത ചെന്നൈ സൂപ്പർ കിങ്‌സ് 20 ഓവറിൽ 114 റൺസാണ് എടുത്തത്. തുടർന്ന് മറുപടി ബാറ്റിങ്ങിന് ഇറങ്ങിയ മുംബൈ ഇന്ത്യൻസ് വിക്കറ്റ് ഒന്നും നഷ്ടപ്പെടാതെ 10 വിക്കറ്റിന് മത്സരം സ്വന്തമാക്കിയിരുന്നു.