ബാംഗ്ലൂരിന്റെ നടുവൊടിച്ച് ഹര്‍ഭനും ഇമ്രാന്‍ താഹിറും, പൊരുതി നോക്കിയത് പാര്‍ത്ഥിവ് പട്ടേല്‍ മാത്രം

- Advertisement -

ഐപിഎല്‍ 12ാം സീസണിന്റെ ഉദ്ഘാടന മത്സരത്തില്‍ റോയല്‍ ചലഞ്ചേഴ്സ് ബാംഗ്ലൂരിന്റെ വക നാണംകെട്ട ബാറ്റിംഗ് പ്രകടനം. ആദ്യ ഓവറുകളില്‍ തുടര്‍ന്ന തകര്‍ച്ചയില്‍ നിന്ന് കരകയറാനാകാതെ ബുദ്ധിമുട്ടിയ ടീമിനെ ചെന്നൈ സ്പിന്നര്‍മാര്‍ വരിഞ്ഞുകെട്ട് കീഴടക്കുകയായിരുന്നു. ടോപ് ഓര്‍ഡറിനെ ഹര്‍ഭജനും മധ്യനിരയെ ഇമ്രാന്‍ താഹിറും കശക്കിയെറിയുകയായിരുന്നു.

ഇമ്രാന്‍ താഹിര്‍ തന്റെ നാലോവര്‍ സ്പെല്ലില്‍ വെറും 9 റണ്‍സ് വിട്ട് നല്‍കി ബാംഗ്ലൂരിനെ പ്രതിരോധത്തിലാക്കുകയായിരുന്നു. നാലോവറില്‍ 20 റണ്‍സിനു മൂന്ന് വിക്കറ്റാണ് ഹര്‍ഭജന്‍ സിംഗ് നേടിയത്. പാര്‍ത്ഥിവ് പട്ടേല്‍ 29 റണ്‍സ് നേടി ബാംഗ്ലൂരിന്റെ ടോപ് സ്കോറര്‍ ആയി. 17.1 ഓവറില്‍ ബാംഗ്ലൂര്‍ 70 റണ്‍സിനു ഓള്‍ഔട്ട് ആവുകയായിരുന്നു.

രവീന്ദ്ര ജഡേജ രണ്ട് വിക്കറ്റും ഡ്വെയിന്‍ ബ്രാവോ ഒരു വിക്കറ്റും നേടി. അവസാന വിക്കറ്റായിയാണ് പാര്‍ത്ഥിവ് പട്ടേല്‍ പുറത്തായത്.

Advertisement