പത്ത് പോയിന്റ് നേടാനായത് ഏറെ പ്രധാനം

രാജസ്ഥാന്‍ റോയല്‍സിനെതിരെയുള്ള വിജയം ടീമിനെ 10 പോയിന്റിലേക്ക് എത്തിച്ചത് ഏറെ നിര്‍ണ്ണായകമെന്ന് അഭിപ്രായപ്പെട്ട് കിംഗ്സ് ഇലവന്‍ പഞ്ചാബ് നായകന്‍ രവിചന്ദ്രന്‍ അശ്വിന്‍. ടൂര്‍ണ്ണമെന്റിലെ ഏറെ നിര്‍ണ്ണായകമായ ഘട്ടത്തിലാണ് ഈ വിജയം. ഈ ലക്ഷ്യം പ്രതിരോധിക്കുവാന്‍ ഏറെ പ്രയാസമായിരുന്നു. കാരണം വിക്കറ്റ് പൊതുവേ രണ്ടാം പകുതിയില്‍ ബാറ്റിംഗിനു അനായാസമാവും.

മുജീബും അര്‍ഷ്ദീപും മികച്ച രീതിയിലാണ് ഇന്നിംഗ്സിന്റെ തുടക്കത്തില്‍ ബൗള്‍ ചെയ്ത് തുടങ്ങിയത്. ബട്‍ലര്‍ക്കെതിരെയുള്ള പദ്ധതി കൃത്യമായി നടപ്പിലാക്കുവാനും ഞങ്ങള്‍ക്ക് സാധിച്ചുവെന്ന് വിശ്വസിക്കുന്നു. മധ്യ ഓവറുകളി‍ല്‍ താനും മുരുഗന്‍ അശ്വിനും സമ്മര്‍ദ്ദം സൃഷ്ടിച്ചതും അനായാസമെന്ന് തോന്നിപ്പിച്ച ലക്ഷ്യം കടുപ്പമേറിയതാക്കി മാറ്റുവാന്‍ സാധിച്ചുവെന്നും അശ്വിന്‍ വ്യക്തമാക്കി.