പുല്‍വാമ ആക്രമണത്തില്‍ കൊല്ലപ്പെട്ട പഞ്ചാബിലെയും ഹിമാച്ചലിലെയും 5 ജവാന്മാരുടെ കുടുംബത്തിനു കിംഗ്സ് ഇലവന്‍ പഞ്ചാബിന്റെ സഹായം

- Advertisement -

പുല്‍വാമയില്‍ കൊല്ലപ്പെട്ട ധീരജവാന്മാരില്‍ പഞ്ചാബിലെയും ഹിമാച്ചലിലെയും അഞ്ച് ജവാന്മാര്‍ക്ക് 5 ലക്ഷം രൂപ സഹായം നല്‍കി കിംഗ്സ് ഇലവന്‍ പഞ്ചാബ്. ഇവരുടെ കുടുംബക്കാര്‍ക്ക് 5 ലക്ഷം രൂപയുടെ ചെക്ക് കൈമാറിയെന്ന് ഫ്രാഞ്ചൈസി അറിയിച്ചു. ചെക്കുകകള്‍ കൈമാറുമ്പോള്‍ ടീമിന്റെ നായകന്‍ രവിചന്ദ്രന്‍ അശ്വിനും സിആര്‍പിഎപ് ഡിഐജി വി കെ കൗണ്ടലും സന്നിഹിതരായിരുന്നു.

നേരത്തെ ഇന്ത്യന്‍ ക്രിക്കറ്റ് ടീം തങ്ങളുടെ റാഞ്ചിയിലെ മത്സരത്തിന്റെ മാച്ച് ഫീസ് നാഷണല്‍ ഡിഫന്‍സ് ഫണ്ടിലേക്ക് സംഭാവ ചെയ്തിരുന്നു. ഇതു കൂടാതെ ഏവരോടും ഇത്തരത്തില്‍ സഹായം ചെയ്യണമെന്ന് വിരാട് കോഹ്‍ലി ആവശ്യപ്പെടുകയും ചെയ്തിരുന്നു.

Advertisement