ആര്‍സിബിയിലെ ഏറ്റവും സരസനായ വ്യക്തി കോളിന്‍ ഡി ഗ്രാന്‍ഡോമെന്ന് – സിറാജ്

Sports Correspondent

Download the Fanport app now!
Appstore Badge
Google Play Badge 1

ആര്‍സിബിയില്‍ ഏറ്റവും സരസനായ വ്യക്തി ന്യൂസിലാണ്ട് ഓള്‍റൗണ്ടര്‍ കോളിന്‍ ഡി ഗ്രാന്‍ഡോം ആണെന്ന് പറഞ്ഞ് മുഹമ്മദ് സിറാജ്. 2018 സീസണ്‍ വരെ സണ്‍റൈസേഴ്സ് ഹൈദ്രാബാദിന് വേണ്ടി കളിച്ചിരുന്ന താരത്തെ 2.6 കോടി രൂപയ്ക്കാണ് ആര്‍സിബി സ്വന്തമാക്കിയത്. ഹൈദ്രാബാദിനെ അപേക്ഷിച്ച് താരത്തിന് കൂടുതല്‍ അവസരം റോയല്‍ ചലഞ്ചേഴ്സ് ബാംഗ്ലൂരിലെത്തിയപ്പോള്‍ ലഭിച്ചു.

രണ്ട് വര്‍ഷമായി ആര്‍സിബിയോടൊപ്പമുള്ള തനിക്ക് ടീമില്‍ കോളിന്‍ ഡി ഗ്രാന്‍ഡോം ആണ് ഏറ്റവും സരസനായ താരമായി തോന്നിയതെന്ന് അഭിപ്രായപ്പെട്ടു. ഒരു ഡ്രസ്സിംഗ് റൂം പങ്കുവെച്ചതാകാം കാരണമെന്ന് സിറാജ് വ്യക്തമാക്കി. എന്നാല്‍ ഈ സീസണിലെ ലേലത്തിന് മുമ്പ് ഗ്രാന്‍ഡോമിനെ ബാംഗ്ലൂര്‍ റിലീസ് ചെയ്യുകയും താരം ലേലത്തില്‍ ആവശ്യക്കാരില്ലാതെ പോകുകയുമായിരുന്നു.