തന്നോട് മംഗൂസ് ബാറ്റ് ഉപയോഗിക്കരുതെന്ന് ധോണി ആവശ്യപ്പെട്ടിരുന്നുവെന്ന് പറഞ്ഞ് മാത്യു ഹെയ്ഡന്‍. 2010 ഐപിഎല്‍ സീസണില്‍ ഡല്‍ഹി ഡെയര്‍ ഡെവിള്‍സിനെതിരെ 43 പന്തില്‍ നിന്ന് 93 റണ്‍സ് നേടിയ മാത്യൂ ഹെയ്ഡന്റെ ഈ ഇന്നിംഗ്സ് തന്റെ ഏറ്റവും മികച്ച ഐപിഎല്‍ നിമിഷമെന്നാണ് സുരേഷ് റെയ്‍ന വ്യക്തമാക്കിയത്. എന്നാല്‍ ധോണി തന്നോട് ഈ ബാറ്റ് ഉപയോഗിച്ചരുതെന്നു ആവശ്യപ്പെടുകയായിരുന്നു അദ്ദേഹത്തിന് ഇത് ഒട്ടും ഇഷ്ടപ്പട്ടിരുന്നില്ലെന്നും ഹെയ്ഡന്‍ വ്യക്തമാക്കി.
#Thala Dhoni to Haydos: "I'll give you anything you want in life, to not use this bat! Please do not use this bat!" 😂🦁💛 @HaydosTweets #AnbuDenLions @RuphaRamani pic.twitter.com/Hm5wSCzLWH
— Chennai Super Kings (@ChennaiIPL) May 8, 2020
തന്നോടൊപ്പം ആ ബാറ്റ് ഇപ്പോളുമുണ്ടെന്നാണ് ഹെയ്ഡന്‍ പറഞ്ഞത്. ധോണി ഐപിഎലില്‍ തന്നോട് അത് ഉപയോഗിക്കരുതെന്ന് പറഞ്ഞുവെങ്കിലും തന്റെ തീരുമാനം വളരെ ശരിയാണെന്നാണ് ഹെയ്ഡന്‍ പറയുന്നത്. താങ്കള്‍ എന്ത് ആവശ്യപ്പെട്ടാലും അത് തരാം പക്ഷേ ഈ ബാറ്റ് ഉപയോഗിക്കരുതെന്നാണ് തന്നോട് ധോണി പറഞ്ഞത്. എന്നാല്‍ താന്‍ പന്ത് അടിക്കുമ്പോള്‍ സാധാരണയിലും കൂടുതല്‍ ദൂരം അത് പോകുന്നുണ്ടായിരുന്നുവെന്നും മാത്യൂ ഹെയ്ഡന്‍ വ്യക്തമാക്കി.
എന്നാല്‍ 2010ന് ശേഷം ക്രിക്കറ്റില്‍ അധികമാരും ആ ബാറ്റ് ഉപയോഗിച്ചില്ലെന്നത് പ്രത്യേകം ശ്രദ്ധിക്കേണ്ട കാര്യമാണ്.
