ഡെയ്ൽ സ്‌റ്റെയ്‌നിന്റെ രക്ഷക്ക് റോയൽ ചലഞ്ചേഴ്‌സ് ബാംഗ്ലൂർ

Staff Reporter

Download the Fanport app now!
Appstore Badge
Google Play Badge 1

ദക്ഷിണാഫ്രിക്കൻ ഫാസ്റ്റ് ബൗളർ ഡെയ്ൽ സ്‌റ്റെയ്‌നിന്റെ രക്ഷക്കെത്തി റോയൽ ചലഞ്ചേഴ്‌സ് ബാംഗ്ലൂർ. ഇന്ന് നടന്ന ലേലത്തിൽ ആദ്യ രണ്ടു റൗണ്ടുകളിൽ താരത്തെ ആരും സ്വന്തമാക്കിയിരുന്നില്ല. തുടർന്ന് അടിസ്ഥാന വിലയായ 2 കോടി നൽകി റോയൽ ചലഞ്ചേഴ്‌സ് ബാംഗ്ലൂർ താരത്തെ സ്വന്തമാക്കുകയായിരുന്നു. ഐ.പി.എല്ലിൽ മൊത്തം 92 മത്സരങ്ങൾ കളിച്ച സ്റ്റെയ്ൻ 96 വിക്കറ്റും വീഴ്ത്തിയിട്ടുണ്ട്.

ഡെയ്ൽ സ്‌റ്റെയ്‌നിന്റെ ആദ്യ ഇന്ത്യൻ പ്രീമിയർ ലീഗ് ക്ലബ് കൂടിയാണ് റോയൽ ചലഞ്ചേഴ്‌സ് ബാംഗ്ലൂർ. കഴിഞ്ഞ സീസണിൽ താരത്തിനെ ലേലത്തിൽ ആരും സ്വന്തമാക്കിയിരുന്നില്ല. തുടർന്ന് പരിക്കേറ്റ നാഥാൻ കൗൾട്ടർ നൈലിന് പകരം താരത്തെ ബാംഗ്ലൂർ സ്വന്തമാക്കിയെങ്കിലും പരിക്കിനെ തുടർന്ന് രണ്ട് മത്സരങ്ങൾക്ക് ശേഷം താരം ടീം വിട്ടിരുന്നു. രണ്ട് മത്സരങ്ങളിൽ നിന്ന് 4 വിക്കറ്റ് വീഴ്ത്തി മികച്ച ഫോമിൽ ഇരിക്കെയാണ് താരത്തിന് പരിക്കേറ്റ് പുറത്തുപോയത്. തുടർന്ന് ലോകകപ്പിൽ നിന്നും പരിക്ക് മൂലം താരം പുറത്തുപോയിരുന്നു.