97 റണ്‍സ് തോല്‍വിയേറ്റ് വാങ്ങി കോഹ്‍ലിയും കൂട്ടരും, രവി ബിഷ്ണോയിയ്ക്ക് മൂന്ന് വിക്കറ്റ്

Ravibishnoipunjab

ഐപിഎലില്‍ കിംഗ്സ് ഇലവന്‍ പഞ്ചാബ് നല്‍കിയ 207 റണ്‍സ് ലക്ഷ്യം ചേസ് ചെയ്തിറങ്ങിയ റോയല്‍ ചലഞ്ചേഴ്സ് ബാംഗ്ലൂരിന് നാണംകെട്ട തോല്‍വി. ആദ്യ മൂന്ന് വിക്കറ്റ് നാല് റണ്‍സ് നേടുന്നതിനിടെ നഷ്ടമായ ബാംഗ്ലൂരിന് പിന്നീട് മത്സരത്തില്‍ ഒരു തിരിച്ചുവരവ് സാധ്യമായില്ല.

പഞ്ചാബിന്റെ പേസര്‍മാരും സ്പിന്നര്‍മാരും ഒരു പോലെ മത്സരത്തില്‍ പിടിമുറുക്കിയപ്പോള്‍ 109 റണ്‍സില്‍ ഒതുങ്ങുകയായിരുന്നു റോയല്‍ ചലഞ്ചേഴ്സ് ബാംഗ്ലൂര്‍. പഞ്ചാബ് നിരയില്‍ യുവ സ്പിന്നര്‍ രവി ബിഷ്ണോയ് മൂന്ന് വിക്കറ്റുമായി മികച്ച് നിന്നു.

17 ഓവര്‍ മാത്രമാണ് ആര്‍സിബി ഇന്നിംഗ്സ് നീണ്ട് നിന്നത്. മുരുഗന്‍ അശ്വിനും രവി ബിഷ്ണോയിയും മൂന്ന് വീതം വിക്കറ്റ് നേടിയപ്പോള്‍ ഷെല്‍ഡണ്‍ കോട്രെല്‍ രണ്ട് വിക്കറ്റ് നേടി. റോയല്‍ ചലഞ്ചേഴ്സ് ബാംഗ്ലൂരിന് വേണ്ടി 30 റണ്‍സുമായി വാഷിംഗ്ടണ്‍ സുന്ദര്‍ ടോപ് സ്കോറര്‍ ആയപ്പോള്‍ എബി ഡി വില്ലിയേഴ്സ് 28 റണ്‍സും ആരോണ്‍ ഫിഞ്ചും 20 റണ്‍സും നേടി.

Previous articleമുൻ കേരള ബ്ലാസ്റ്റേഴ്സ് താരം അഫ്ദാൽ ഡെൽഹി ക്ലബിനായി സെക്കൻഡ് ഡിവിഷൻ കളിക്കും
Next articleഓറഞ്ച്-പര്‍പ്പിള്‍ ക്യാപ്പുകള്‍ സ്വന്തമാക്കി കിംഗ്സ് ഇലവന്‍ പഞ്ചാബ് താരങ്ങള്‍