കോവിഡ് മാനദണ്ഡങ്ങളുടെ ലംഘനത്തിന് കൊൽക്കത്ത നൈറ്റ് റൈഡേഴ്സ് താരം രാഹുൽ ത്രിപാഠിയ്ക്കെതിരെ നടപടി എടുത്ത് പൂനെ പോലീസ്. കാറിൽ മാസ്ക് ധരിക്കാത്തതിനാണ് താരത്തിനെതിരെ പോലീസ് നടപടി സ്വീകരിച്ചിരിക്കുന്നത്. മഹാരാഷ്ട്രയിൽ കോവിഡ് സ്ഥിതി അതീവരൂക്ഷമായതിനാൽ തന്നെ കടുത്ത നടപടിയാണ് സർക്കാർ എടുത്തിട്ടുള്ളത്.
കഴിഞ്ഞ ദിവസമാണ് ജൂൺ 15 വരെ കർശന നിയന്ത്രണങ്ങൾ തുടരുവാൻ അധികാരികൾ തീരുമാനിച്ചത്. വെള്ളിയാഴ്ച ഉച്ചയ്ക്കാണ് താരത്തിനെ മാസ്ക് ധരിക്കാതെ പോലീസ് പിടിക്കുന്നത്. താരത്തിനെതിരെ 500 രൂപ പിഴയാണ് പോലീസ് ചുമത്തിയത്. അതിനുള്ള രസീതും നൽകി.
കാറിൽ വേറെയും ചില ആളുകളുണ്ടായിരുന്നുവെന്നും വ്യക്തമായ കാരണമില്ലാതെയായിരുന്നു താരത്തിന്റെ യാത്രയെന്നും സീനിയർ ഇൻസ്പെക്ടർ സർദാർ പാട്ടിൽ അറിയിച്ചു.
