ജയിച്ച് തന്നെ തുടങ്ങി ചെന്നൈ, ചാമ്പ്യന്മാരെന്നാല്‍ സുമ്മാവാ

- Advertisement -

ചെപ്പോക്കിലെ കോട്ട കാത്ത് പന്ത്രണ്ടാം സീസണിന്റെ തുടക്കം സൂപ്പറാക്കി ചെന്നൈ സൂപ്പര്‍ കിംഗ്സ്. ചിദംബരം സ്റ്റേഡിയത്തിലെത്തിയ ആരാധകരെ ആവേശം കൊള്ളിക്കുന്ന ബാറ്റിംഗ് വിരുന്ന് ഒരുക്കുവാന്‍ ടീമിനു അത്ര വലിയ സ്കോറല്ല ചേസ് ചെയ്യാനിരുന്നതെങ്കിലും 71 റണ്‍സിന്റെ വിജയം ലക്ഷ്യം 3 വിക്കറ്റ് നഷ്ടത്തില്‍ ചെന്നൈ 17.4 ഓവറില്‍ മറികടന്നു.

10 പന്ത് നേരിട്ട ശേഷം പൂജ്യം റണ്‍സിനു പുറത്തായ ഷെയിന്‍ വാട്സണ്‍ മടങ്ങിയ ശേഷം സുരേഷ് റെയ്നയും അമ്പാട്ടി റായിഡുവും ചെന്നെയെ മുന്നോട്ട് നയിച്ചു. 19 റണ്‍സ് നേടിയ റെയ്‍നയെ മോയിന്‍ അലി പുറത്താക്കിയപ്പോള്‍ മുഹമ്മദ് സിറാജിനായിരുന്നു റായിഡുവിന്റെ വിക്കറ്റ്(28). കേധാര്‍ ജാഥവും(13*) രവീന്ദ്ര ജഡേജയും(6*) കൂടുതല്‍ നഷ്ടമില്ലാതെ സീസണിലെ ആദ്യ ജയത്തിലേക്ക് ചെന്നെയെ നയിച്ചു.

Advertisement