ബുംറ എത്രത്തോളം കൂടുതല്‍ ഐപിഎല്‍ കളിക്കുന്നുവോ അത്രത്തോളം ലോകകപ്പില്‍ ഗുണം ചെയ്യും

ഐപിഎലില്‍ ജസ്പ്രീത് ബുംറ എത്രയധികം മത്സരം കളിക്കുന്നുവോ അത്രയും ഗുണം താരത്തിനു ലോകകപ്പില്‍ ഉണ്ടാകുമെന്ന അഭിപ്രായവുമായി മഹേല ജയവര്‍ദ്ധനേ. നിങ്ങളുടെ ഏറ്റവും മികച്ച താരങ്ങള്‍ കൂടുതല്‍ മത്സരം കളിക്കണം, അത് സ്വാഭാവികമാണ്. കരുതലെന്ന നിലയില്‍ അവരെ മത്സരങ്ങളില്‍ പങ്കെടുപ്പിക്കാതെ ഇരുന്ന ശേഷം ഒരു സുപ്രഭാതത്തില്‍ അവരോട് കളിക്കുവാന്‍ ആവശ്യപ്പെട്ടാല്‍ മികവ് പുറത്തെടക്കുവാന്‍ അവര്‍ക്കായേക്കില്ലെന്ന് മഹേല പറഞ്ഞു.

താരങ്ങള്‍ക്ക് അവരുടെ ഫിറ്റ്നെസ്സും ഫോമും ഒരേ പോലെ നിലനിര്‍ത്തിക്കൊണ്ടുവാന്‍ കഴിയണമെന്നതാണ് ഏറ്റവും പ്രധാനമെന്നും മഹേല പറഞ്ഞു. ലോകകപ്പില്‍ മികച്ച റിഥം കണ്ടെത്തുവാന്‍ ബുംറയെ ഐപിഎല്‍ സഹായിക്കുമെന്നാണ് തന്റെ വിശ്വാസമെന്നും മഹേല അഭിപ്രായപ്പെട്ടു.

Previous articleU-23 ഏഷ്യൻ കപ്പ് യോഗ്യത, ഇന്ത്യൻ ഇന്ന് ചാമ്പ്യന്മാർക്ക് എതിരെ
Next articleസാഫ് കപ്പ് കിരീടം വീണ്ടും ഉയർത്താൻ ഇന്ത്യ ഇന്ന് ഇറങ്ങും