ദക്ഷിണാഫ്രിക്കയ്ക്കെതിരെ ഇന്നിംഗ്സ് തോൽവി നേരിട്ട് ഇന്ത്യ. ഇന്ന് ഇന്ത്യയുടെ രണ്ടാം ഇന്നിംഗ്സ് വെറും 131 റൺസിൽ അവസാനിച്ചപ്പോള് ഇന്നിംഗ്സിനും 32 റൺസിനും ദക്ഷിണാഫ്രിക്ക വിജയം കുറിച്ചു. നേരത്തെ ദക്ഷിണാഫ്രിക്കയുടെ ഒന്നാം ഇന്നിംഗ്സ് 408 റൺസിന് അവസാനിക്കുകയായിരുന്നു.
വിരാട് കോഹ്ലി 76 റൺസുമായി പൊരുതി നോക്കിയെങ്കിലും നാന്ഡ്രേ ബര്ഗര് 4 വിക്കറ്റും മാര്ക്കോ ജാന്സന് മൂന്ന് വിക്കറ്റും നേടി ഇന്ത്യയുടെ പതനം ഉറപ്പാക്കുകയായിരുന്നു. വിരാട് കോഹ്ലിയാണ് ഇന്നിംഗ്സിലെ അവസാന വിക്കറ്റായി പുറത്തായത്.