പാക്കിസ്ഥാനെതിരെ നാളെ ഇംഗ്ലണ്ടിന്റെ ആദ്യ ഏകദിനത്തില് ടീമിനു മോയിന് അലിയുടെ സേവനം ലഭ്യമാകില്ല. വാരിയെല്ലിനേറ്റ പരിക്കാണ് താരത്തിനെ നാളത്തെ മത്സരത്തില് നിന്ന് വിട്ട് നില്ക്കുവാന് പ്രേരിപ്പിക്കുന്നത്. എന്നാല് സൗത്താംപ്ടണില് നടക്കുന്ന അടുത്ത മത്സരത്തില് മോയിന് അലി കളിയ്ക്കാനെത്തുമെന്നതിനാല് പരിക്ക് അത്ര ഗുരുതരമല്ലെന്ന് വേണം മനസ്സിലാക്കുവാന്.
നാളെ ലണ്ടനിലെ കെന്നിംഗ്ടണ് ഓവലിലാണ് ആദ്യ മത്സരം നടക്കുന്നത്. മോയിന് അലിയ്ക്ക് പകരം ജോ ഡെന്ലി അവസാന ഇലവനില് എത്തിയേക്കുമെന്നാണ് പ്രതീക്ഷിയ്ക്കുന്നത്.