ഞായറാഴ്ച ജയ്പൂരിൽ നടന്ന രാജസ്ഥാൻ റോയൽസും സൺറൈസേഴ്സ് ഹൈദരാബാദും തമ്മിലുള്ള മത്സരത്തിൽ ചാഹൽ ഒരു റെക്കോർഡിനൊപ്പം എത്തി. ഇന്ത്യൻ പ്രീമിയർ ലീഗിൽ (ഐപിഎൽ) ഏറ്റവും കൂടുതൽ വിക്കറ്റ് വീഴ്ത്തിയ ഡ്വെയ്ൻ ബ്രാവോയുടെ റെക്കോഡിന് ഒപ്പമാണ് യുസ്വേന്ദ്ര ചാഹൽ എത്തിയത്.
സ്പിന്നർ ഇന്നലെ നേടിയ വിക്കറ്റുകളോടെ 143 മത്സരങ്ങളിൽ നിന്ന് 183 വിക്കറ്റിൽ എത്തി. ഇന്നലെ താരം നാലു വിക്കറ്റുകൾ നേടിയിരുന്നു. മുൻ ചെന്നൈ സൂപ്പർ കിംഗ്സ്, മുംബൈ ഇന്ത്യൻസ് താരം ബ്രാവോയും 183 വിക്കറ്റുകൾ ഐ പി എല്ലിൽ വീഴ്ത്തിയിട്ടുണ്ട്. ബ്രാവോ 161 മത്സരങ്ങളിൽ നിന്നാണ് 183 വിക്കറ്റ് നേടിയത്. 174 വിക്കറ്റുമായി മുംബൈ ഇന്ത്യൻസ് താരം പീയുഷ് ചൗള ആണ് പട്ടികയിൽ മൂന്നാമത്.