“WPL വരുന്നതോടെ ഇന്ത്യൻ വനിതാ ക്രിക്കറ്റ് നിരവധി ടാലന്റുകളെ കണ്ടെത്തും”

യുവാക്കളും കഴിവുറ്റവരുമായ നിരവധി ക്രിക്കറ്റ് താരങ്ങളെ കണ്ടെത്തുന്നതിന് വനിതാ പ്രീമിയർ ലീഗ് ഇന്ത്യയെ സഹായിക്കുമെന്ന് ഇന്ത്യൻ ക്യാപ്റ്റൻ ഹർമൻപ്രീത് കൗർ പറഞ്ഞു. WPL ന്റെ ഉദ്ഘാടന സീസൺ മാർച്ചിൽ ആരംഭിക്കാാൻ ഇരിക്കുകയാണ്. പുരുഷ ക്രിക്കറ്റിലും ഐപിഎല്ലിലും നമ്മൾ മുമ്പ് കണ്ടതുപോലെ, ഡബ്ല്യുപിഎൽ കാരണം യുവ പ്രതിഭകളുടെ വരവ് വർദ്ധിപ്പിക്കുമെന്ന് ഹർമൻപ്രീത് പറഞ്ഞു.

ആഭ്യന്തര, രാജ്യാന്തര ക്രിക്കറ്റുകൾ തമ്മിലുള്ള അന്തരം കുറയ്ക്കാൻ ഇതുകൊണ്ടാകും. ഒരു യുവതാരത്തിന് ആഭ്യന്തര ക്രിക്കറ്റിൽ നിന്ന് നേരെ അന്താരാഷ്ട്ര ക്രിക്കറ്റ് കളിക്കുക എളുപ്പമല്ല. WPL വരുന്നതോടെ യുവ പ്രതിഭകൾക്ക് വലിയ വേദിയിൽ പരിചയസമ്പത്ത് കിട്ടും. മികച്ച താരങ്ങൾക്ക് ഒപ്പം കളിക്കാനും പറ്റും. WPLൽ കളിച്ചാൽ കളിക്കാർക്ക് രാജ്യാന്തര ക്രിക്കറ്റിന് തയ്യാറാണെന്ന് തോന്നിത്തുടങ്ങും എന്നും ഹർമൻപ്രീത് കൂട്ടിച്ചേർത്തു.