വനിത പ്രീമിയര് ലീഗിൽ റേച്ചൽ ഹെയ്ന്സിനെ മുഖ്യ കോച്ചായി പ്രഖ്യാപിച്ച് അഹമ്മദാബാദ് ഫ്രാഞ്ചൈസിയായ ഗുജറാത്ത് ജയന്റ്സ്. മുന് ഓസ്ട്രേലിയന് താരത്തിനെ കൂടാതെ ബാറ്റിംഗ് കോച്ചായി തുഷാര് ആറോതെയെയും നൂഷിന് അൽ ഖാദീറിനെ ബൗളിംഗ് കോച്ചായും ഫ്രാഞ്ചൈസി നിയമിച്ചിട്ടുണ്ട്.
കഴിഞ്ഞ ആഴ്ച ലോകകപ്പ് വിജയിച്ച അണ്ടര് 19 ഇന്ത്യന് ടീമിന്റെ മുഖ്യ കോച്ചായിരുന്നു നൂഷിന്. ടീമിന്റെ മെന്ററായി ഇന്ത്യന് ഇതിഹാസം മിത്താലി രാജും ഉണ്ട്.