Category: WPL

വനിതാ ടി20 ക്രിക്കറ്റിലെ ഏറ്റവും വിജയകരമായ ക്യാപ്റ്റനായ ഓസ്‌ട്രേലിയയുടെ മെഗ് ലാനിംഗ് മാർച്ച് 4 മുതൽ മുംബൈയിൽ ആരംഭിക്കുന്ന ഉദ്ഘാടന വനിതാ പ്രീമിയർ ലീഗിൽ (ഡബ്ല്യുപിഎൽ) ഡൽഹി ക്യാപിറ്റൽസിനെ നയിക്കും. മെഗ് ലാനിംഗ് ആകും ഡൽഹിയുടെ ആദ്യ സീസണിലെ ക്യാപ്റ്റൻ എന്ന് ടീം ഇന്ന് ഔദ്യോഗികമായി പ്രഖ്യാപിച്ചു. ദക്ഷിണാഫ്രിക്കയിൽ കഴിഞ്ഞ ആഴ്ച്ച അവസാനിച്ച ടി20 ലോകകപ്പ് ഉൾപ്പെടെ ഓസ്‌ട്രേലിയയുടെ ക്യാപ്റ്റനെന്ന നിലയിൽ നാല് ടി20 ലോകകപ്പുകൾ നേടി റെക്കോർഡിട്ട താരമാണ് 30കാരിയാ ലാനിംഗ്.

വ്യാഴാഴ്ച പ്രഥമ WPL ടൂർണമെന്റിനായി അവർ മുംബൈയിലെത്തി. 132 ടി20കൾ കളിച്ചിട്ടുള്ള അവർ 36.61 ശരാശരിയിലും 116.37 സ്‌ട്രൈക്ക് റേറ്റിലും രണ്ട് സെഞ്ചുറികളും 15 അർധസെഞ്ചുറികളും സഹിതം 3405 റൺസ് നേടിയിട്ടുണ്ട്. 100 ടി20 മത്സരങ്ങളിൽ ഓസ്‌ട്രേലിയയെ നയിക്കുകയ്യ്ം ചെയ്തു. മാർച്ച് 5 ന് ബ്രാബോൺ സ്റ്റേഡിയത്തിൽ റോയൽ ചലഞ്ചേഴ്‌സ് ബാംഗ്ലൂരിനെതിരെ ഡെൽഹി ക്യാപിറ്റൽസ് അവരുടെ WPL കാമ്പെയ്‌ൻ ആരംഭിക്കും, ടീമിന്റെ വൈസ് ക്യാപ്റ്റൻ ആയി ജെമിമ റോഡ്രിഗസിനെയും നിയമിച്ചു.

വനിതാ പ്രീമിയർ ലീഗിന്റെ (ഡബ്ല്യുപിഎൽ) ഉദ്ഘാടന സീസണിന് മുന്നോടിയായി ഹർമൻപ്രീത് കൗറിനെ വനിതാ ടീമിന്റെ ക്യാപ്റ്റനായി മുംബൈ ഇന്ത്യൻസ് നിയമിച്ചു. ഒരു ദശാബ്ദത്തിലേറെയായി ദേശീയ ടീമിന്റെ നെടുംതൂണായ ഹർമൻപ്രീത് തന്നെ മുംബൈ ഇന്ത്യൻസിന്റെ ക്യാപ്റ്റൻ ആകും എന്ന് ഏതാണ്ട് ഉറപ്പായിരുന്നു. ഇന്ന് ഔദ്യോഗിക പ്രഖ്യാപനം വന്നു. ഇന്ത്യൻ ബാറ്റർ അടുത്തിടെ 150 ടി20 അന്താരാഷ്ട്ര മത്സരങ്ങൾ കളിക്കുന്ന ആദ്യത്തെ ക്രിക്കറ്റ് താരമായി മാറിയിരുന്നു.

ഒരു അർജുന അവാർഡ് ജേതാവ് കൂടിയായ ഹർമൻപ്രീതിന് ക്യാപ്റ്റൻ ആയി മികച്ച വിജയ റെക്കോർഡുമുണ്ട്. ഇന്ത്യക്ക് വേണ്ടി ടി20യിൽ ഒരു സെഞ്ചുറിയും 10 അർദ്ധ സെഞ്ചുറികളും ഉൾപ്പെടെ 28.05 ശരാശരിയിൽ 3,058 റൺസ് അവർ നേടിയിട്ടുണ്ട്. മാർച്ച് 4 ന് DY പാട്ടീൽ സ്റ്റേഡിയത്തിൽ ഗുജറാത്ത് ജയന്റ്സിനെതിരെ മുംബൈ ഇന്ത്യൻസ് WPL 2023 ന്റെ സീസൺ ഓപ്പണർ കളിക്കും.

പ്രഥമ വനിത പ്രീമിയര്‍ ലീഗിൽ ഗുജറാത്ത് ജയന്റ്സിനെ ബെത്ത് മൂണി നയിക്കും. ഓസ്ട്രേലിയന്‍ വിക്കറ്റ് കീപ്പര്‍ താരത്തിന്റെ ഡെപ്യൂട്ടിയായി ഇന്ത്യയുടെ ഓള്‍റൗണ്ടര്‍ താരമായ സ്നേഹ് റാണയെയും നിയമിച്ചിട്ടുണ്ട്.

ഓസ്ട്രേലിയ കഴിഞ്ഞ ദിവസം ടി20 ലോകകപ്പ് നേടിയപ്പോള്‍ ബെത്ത് മൂണി 53 പന്തിൽ പുറത്താകാതെ 74 റൺസാണ് നേടിയത്. രണ്ട് അന്താരാഷ്ട്ര ടി20 ശതകങ്ങള്‍ നേടിയിട്ടുള്ള താരം 18 അര്‍ദ്ധ ശതകങ്ങളും നേടിയിട്ടുണ്ട്.

മൂന്ന് ലോകകപ്പ് കിരീടവും കോമൺവെൽത്ത് സ്വര്‍ണ്ണവും നേടിയ താരം മൂന്ന് വട്ടം ബിഗ് ബാഷ് ലീഗ് കിരീടവും നേടിയിട്ടുണ്ട്.

വനിതാ പ്രീമിയർ ലീഗിന് (ഡബ്ല്യുപിഎൽ) ഉദ്ഘാടന പതിപ്പിൽ ഓസ്‌ട്രേലിയൻ ഓപ്പണർ അലിസ ഹീലിയെ തങ്ങളുടെ ക്യാപ്റ്റനായി യുപി വാരിയേഴ്‌സ് പ്രഖ്യാപിച്ചു. ഫെബ്രുവരി 13ന് മുംബൈയിൽ നടന്ന ഡബ്ല്യുപിഎൽ പ്ലെയർ ലേലത്തിൽ 70 ലക്ഷം രൂപയ്ക്കായിരുന്നു യുപി വാരിയേഴ്‌സ് ഹീലിയെ സ്വന്തമാക്കിയത്.

139 ടി20 മത്സരങ്ങൾ കളിച്ചിട്ടുള്ള ഹീലി ലോകത്തിലെ ഏറ്റവും പരിചയസമ്പന്നയായ ഓപ്പണർമാരിൽ ഒരാളാണ്. ക്യാപ്റ്റനായി നിയമിക്കപ്പെട്ടതിൽ സന്തോഷം പ്രകടിപ്പിച്ച് ഹീലി , “ഞങ്ങൾ ഇവിടെ വിജയിക്കാനും നല്ല ക്രിക്കറ്റ് കളിക്കാനും ആണ് ആഗ്രഹിക്കുന്നത്” എന്നു പറഞ്ഞു. വനിതാ പ്രീമിയർ ലീഗിന്റെ ആദ്യ സീസൺ 2023 മാർച്ച് 4 മുതൽ മാർച്ച് 26 വരെ മുംബൈയിൽ ആകും നടക്കുക. ബ്രാബോൺ സ്റ്റേഡിയവും DY പാട്ടീൽ സ്റ്റേഡിയവും ആകും മത്സരങ്ങൾക്ക് വേദിയാവുക. മാർച്ച് 5 ന് ഡി വൈ പാട്ടീൽ സ്റ്റേഡിയത്തിൽ ഗുജറാത്ത് ജയന്റ്സിനെ നേരിട്ടു കൊണ്ടാകും യുപി വാരിയേഴ്സ് സീസൺ ആരംഭിക്കുക.

ഇന്ത്യൻ ക്രിക്കറ്റ് കൺട്രോൾ ബോർഡിന്റെ വിമൻസ് പ്രീമിയർ ലീഗ് (WPL) 2023-ന്റെ ഷെഡ്യൂൾ പ്രഖ്യാപിച്ചു. മാർച്ച് നാലിന് ആരംഭിക്കുന്ന ഡബ്ല്യുപിഎൽ ആദ്യ സീസണിൽ 23 ദിവസങ്ങളിലായാകും ലീഗ് പൂർത്തിയാക്കുക.

ഡി വൈ പാട്ടീൽ സ്റ്റേഡിയത്തിൽ ഗുജറാത്ത് ജയന്റ്സും മുംബൈ ഇന്ത്യൻസും തമ്മിലാണ് ലീഗിന്റെ ഉദ്ഘാടന മത്സരം. രണ്ടാം ദിവസം ബ്രാബോൺ സ്റ്റേഡിയത്തിൽ റോയൽ ചലഞ്ചേഴ്‌സ് ബാംഗ്ലൂർ ഡൽഹി ക്യാപിറ്റൽസിനെയും തുടർന്ന് വൈകുന്നേരം ഗുജറാത്ത് ജയന്റ്‌സിനെ യുപി വാരിയോഴ്‌സും നേരിടും.

ലീഗിൽ നാല് ഇരട്ട ഹെഡറുകൾ ഉണ്ടാകും. ഇങ്ങനെ രണ്ട് മത്സരങ്ങൾ നടക്കുമ്പോൾ ആദ്യ മത്സരം 3:30 PMന് ആരംഭിക്കും. വൈകുന്നേരം നടക്കുന്ന എല്ലാ മത്സരങ്ങളും 7:30 PMനാകും ആരംഭിക്കുക്. മുംബൈയിലെ ഡി വൈ പാട്ടീൽ സ്റ്റേഡിയവും ബ്രാബോൺ സ്റ്റേഡിയവും 11 വീതം മത്സരങ്ങൾക്ക് ആതിഥ്യം വഹിക്കും.

മാർച്ച് 21ന് ബ്രാബോൺ സ്റ്റേഡിയത്തിൽ യുപി വാരിയേഴ്സും ഡൽഹി ക്യാപിറ്റൽസും തമ്മിലുള്ള മത്സരത്തോടെ ലീഗ് ഘട്ടം സമാപിക്കും. എലിമിനേറ്റർ മാർച്ച് 24-ന് DY പാട്ടീൽ സ്റ്റേഡിയത്തിലും 2023-ലെ വനിതാ പ്രീമിയർ ലീഗ് ഫൈനൽ മാർച്ച് 26-ന് ബ്രാബോൺ സ്റ്റേഡിയത്തിലും നടക്കും.

ഫിക്സ്ചർ:

ഉദ്ഘാടന സീസണിന് മുന്നോടിയായി വിമൻസ് പ്രീമിയർ ലീഗ് (WPL) ഫ്രാഞ്ചൈസികൾക്ക് പരസ്യങ്ങളുടെയും സ്പോൺസർമാരുടെയും കാര്യത്തിൽ കർശന നിർദ്ദേശവുമാഉഇ ബി സി സി ഐ. ഫാന്റസി സ്‌പോർട്‌സുമായി വാണിജ്യ ബന്ധത്തിൽ ഏർപ്പെടാൻ ഇന്ത്യൻ ക്രിക്കറ്റ് കൺട്രോൾ ബോർഡ് (ബിസിസിഐ) പച്ചക്കൊടി കാട്ടിയിട്ടുണ്ട് എങ്കിലും ക്രിപ്‌റ്റോകറൻസികൾ, വാതുവെപ്പ്, ചൂതാട്ടം, പുകയില ഉത്പന്നങ്ങൾ എന്നിവയുമായുള്ള ഒരു ബന്ധവും പാടില്ല എന്ന് കർശനമായി തന്നെ ബി സി സി ഐ പറഞ്ഞു. ഇവയുമായുള്ള സഹകരണങ്ങൾ നിരോധിച്ചിട്ടുണ്ട് എന്നും ബി സി സി ഐ അറിയിച്ചു.

ഡബ്ല്യുപിഎൽ സീസൺ ആരംഭിക്കുന്നതിന് 10 ദിവസത്തിന് മുമ്പ് എല്ലാ വാണിജ്യ കരാറുകളുടെയും പകർപ്പുകൾ അവലോകനത്തിനായി സമർപ്പിക്കാൻ നിർദേശിക്കുകയും ചെയ്തു. ഫെബ്രുവരി 13 ന് നടന്ന l ഫ്രാഞ്ചൈസികളുടെ ലേലത്തെ പിന്നാലെയാണ് ബി സി സി ഐ ഈ കാര്യം അറിയിച്ചത്. മാർച്ച് 4 മുതൽ 26 വരെ ആകും പ്രഥമ വനിതാ ഐ പി എൽ സീസൺ നടക്കുക.