ഇന്നത്തെ വനിതാ പ്രീമിയർ ലീഗ് (ഡബ്ല്യുപിഎൽ) ലേലത്തിൽ ഗുജറാത്ത് ജയന്റ്സ് ഒരു വലിയ നീക്കം തുടക്കത്തിൽ തന്നെ നടത്തി, ഓസ്ട്രേലിയൻ ക്രിക്കറ്റ് ഇതിഹാസം ആഷ്ലീ ഗാർഡ്നറുടെ സേവനം ആണ് അവർ ഉറപ്പാക്കിയത്. ബിഡ്ഡിംഗ് യുദ്ധത്തിൽ വിജയിച്ച ഗുജറാത്ത് 3.2 കോടി രൂപയ്ക്ക് ആണ് ഗാർഡ്നറെ സ്വന്തമാക്കിയത്.
വനിതാ ക്രിക്കറ്റ് ലോകത്ത് വലിയ താരമാണ് ഗാർഡ്നർ. വലംകൈയ്യൻ ബാറ്ററും വലംകൈ ഓഫ് സ്പിന്നറുമായ അവൾക്ക് അനുഭവസമ്പത്തും ശ്രദ്ധേയമായ ട്രാക്ക് റെക്കോർഡും ഉണ്ട്, മൂന്ന് ലോക കിരീടവും ഒപ്പം നാല് ഓസ്ട്രേലിയൻ ദേശീയ കിരീടങ്ങളും താരം നേടിയിട്ടുണ്ട്.