മുംബൈയുടെ ആകാശ് മാദ്വലിന്റെ ഇപ്പോളത്തെ നേട്ടത്തിൽ ഏറെ അഭിമാനം തോന്നുന്നുവെന്ന് പറഞ്ഞ് വസീം ജാഫര്‍. താന്‍ ഉത്തരാഖണ്ഡ് ക്രിക്കറ്റ് ടീമിന്റെ മുഖ്യ കോച്ചായി നിന്നിരുന്ന സമയത്ത് ട്രയൽസിനെത്തിയ ഒരു യുവാവിനെ ഓര്‍ക്കുന്നുവെന്നും 24-25 വയസ്സുണ്ടായിരുന്ന താരം ടെന്നീസ് ബോള്‍ ക്രിക്കറ്റ് മാത്രമായിരുന്നു കളിച്ചിട്ടുള്ളത്.
തനിക്കും കോച്ചിംഗ് സ്റ്റാഫിലെ മറ്റംഗങ്ങള്‍ക്കും അപ്പോള്‍ തന്നെ ആകാശിന്റെ പേസ് കണ്ട് തൃപ്തരായി എന്നും അപ്പോള്‍ തന്നെ താരത്തെ ടീമിലെടുക്കുകയായിരുന്നുവെന്നും വസീം ജാഫര്‍ കൂട്ടിചേര്‍ത്തു. ആ സംഭവം നടക്കുന്നത് 2019ലാണെന്നും അവിടെ നിന്ന് നാല് വര്‍ഷങ്ങള്‍ക്കിപ്പുറം ആകാശ് മാദ്വൽ ഇവിടെ എത്തി നിൽക്കുമ്പോള്‍ ഏറെ അഭിമാനം തോന്നുവെന്നും വസീം ജാഫര്‍ പറഞ്ഞു.
ഈ സീസണിൽ 7 മത്സരങ്ങളിൽ നിന്ന് 13 വിക്കറ്റ് നേടിയ മാദ്വൽ ഇന്നലെ 5 റൺസ് മാത്രം വിട്ട് നൽകി ലക്നൗവിനെതിരെയുള്ള എലിമിനേറ്ററിൽ 5 വിക്കറ്റാണ് നേടിയത്.
