ഐപിഎലില് പൊതുവേ ടൂര്ണ്ണമെന്റ് ആരംഭത്തില് താന് മികച്ച ഫോമിലായിരിക്കുമെന്നും എന്നാല് തുടര്ന്നും ഈ ഫോം നിലനിര്ത്തുക എന്നതാണ് തന്റെ ഈ സീസണിലെ പ്രധാന ലക്ഷ്യമെന്നും പറഞ്ഞ് കൊല്ക്കത്ത നൈറ്റ് റൈഡേഴ്സിന്റെ നിതീഷ് റാണ്. ആദ്യ രണ്ട് മത്സരങ്ങള് കഴിഞ്ഞപ്പോള് 132 റണ്സുമായി നിതീഷ് റാണയാണ് ഓറഞ്ച് ക്യാപ്പിനു ഉടമ. ആദ്യ മത്സരത്തില് 68 റണ്സും രണ്ടാം മത്സരത്തില് 64 റണ്സുമാണ് റാണ നേടിയത്.
കഴിഞ്ഞ രണ്ട് സീസണുകളില് ഇതുപോലെയാണ് സംഭവിച്ചത്. തുടക്കം കസറിയെങ്കിലും പിന്നീട് താന് ഫോം ഔട്ട് ആവുകയായിരുന്നുവെന്ന് നിതീഷ് റാണ പറഞ്ഞു. ഇത്തവണ അതിനൊരു വ്യത്യാസം വരുത്തുക എന്നതാണ് തന്റെ ലക്ഷ്യം. ഈ ഫോം ടൂര്ണ്ണമെന്റ് അവസാനം വരെ തുടരുക എന്നതാണ് തന്റെ ലക്ഷ്യമെന്നും റാണ വ്യക്തമാക്കി.