കഴിഞ്ഞ വര്ഷം നടത്തിയ വനിത ടി20 മത്സരത്തിന്റെ ചുവട് പിടിച്ച് ഇത്തവണ മൂന്ന് ടീമുകള് പങ്കെടുക്കുന്ന നാല് മത്സരങ്ങളടങ്ങിയ ടൂര്ണ്ണമെന്റായി വിപുലീകരിച്ച് ബിസിസിഐ. മേയ് 6 മുതല് മേയ് 11 വരെയാണ് മത്സരങ്ങള് നടക്കുക. കഴിഞ്ഞ വര്ഷം സൂപ്പര്നോവാസും ട്രെയില്ബ്ലേസേഴ്സും പരസ്പരം ഏറ്റുമുട്ടിയപ്പോള് ഇത്തവണ വെലോസിറ്റി എന്ന ടീമിനെ കൂടി ഉള്പ്പെടുത്തിയിട്ടുണ്ട്.
ടീമുകളെല്ലാം പരസ്പരം ഒരു തവണ കളിച്ച ശേഷം ആദ്യ രണ്ട് സ്ഥാനക്കാര് മേയ് 11നു നടക്കുന്ന ഫൈനലില് ഏറ്റുമുട്ടും. ജയ്പൂരിലെ സവായ് മാന്സിംഗ് സ്റ്റേഡിയത്തിലാണ് മത്സരങ്ങള് നടക്കുക. ഇന്ത്യയിലെയും വിദേശത്തെയും മുന് നിര താരങ്ങള് ടൂര്ണ്ണമെന്റില് പങ്കെടുക്കുമെന്നാണ് അറിയുന്നത്. ടീമുകളുടെ പ്രഖ്യാപനം വരും ദിവസങ്ങളിലുണ്ടാകുമെന്നാണ് പ്രതീക്ഷിക്കപ്പെടുന്നത്.