ട്രെവര്‍ ബെയിലിസ്സ് ഇനി പ‍ഞ്ചാബ് കിംഗ്സ് കോച്ച്

ഐപിഎൽ അടുത്ത സീസണിൽ ട്രെവര്‍ ബെയിലിസ്സ് പഞ്ചാബ് കിംഗ്സ് മുഖ്യ കോച്ചായി എത്തും. അനിൽ കുംബ്ലൈയുമായുള്ള കരാര്‍ പഞ്ചാബ് കിംഗ്സ് അവസാനിപ്പിച്ച ശേഷം ട്രെവര്‍ ബെയിലിസ്സുമായി ഫ്രാഞ്ചൈസി കരാറിലെത്തുമെന്ന് നേരത്തെ തന്നെ റിപ്പോര്‍ട്ടുകള്‍ വന്നിരുന്നു.

ഇംഗ്ലണ്ടിന്റെ 2019 ലോകകപ്പ് വിജയം നേടിയ ടീമിന്റെ പരിശീലകനായിരുന്ന ബെയിലിസ്സ് 2012, 14 വര്‍ഷങ്ങളിൽ കൊൽക്കത്ത നൈറ്റ് റൈഡേഴ്സിനെ ഐപിഎൽ കിരീടത്തിലേക്ക് നയിച്ചിരുന്നു.

പിന്നീട് സൺ റൈസേഴ്സിനൊപ്പം 2020, 21 സീസണിൽ ബെയിലിസ്സ് സഹകരിച്ചിരുന്നു. 2021ൽ സൺറൈസേഴ്സിന് 14ൽ 3 മത്സരം മാത്രമാണ് വിജയിക്കാനായത്.