ഐ പി എല്ലിൽ മുംബൈ ഇന്ത്യൻസിന് ആശ്വാസ വാർത്ത. സൂര്യകുമാർ യാദവ് തിരിച്ചെത്തുന്നു. താരത്തിന് എൻ സി എ ഫിറ്റ്നസ് ക്ലിയറൻസ് നൽകിയതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു. ഇതോടെ സൂര്യകുമാർ മുംബൈയുടെ അടുത്ത മത്സരത്തിൽ ടീമിൽ ഉണ്ടാകും എന്ന് ഉറപ്പായി. ഞായറാഴ്ച ഡെൽഹി ക്യാപിറ്റൽസിന് എതിരെ ആണ് മുംബൈ ഇനി ഇറങ്ങുന്നത്.
ആദ്യ മൂന്ന് മത്സരങ്ങളിലും സൂര്യകുമാർ പരിക്ക് കാരണം കളിച്ചിരുന്നില്ല. ഈ മൂന്ന് മത്സരങ്ങളിലും മുംബൈ ഇന്ത്യൻസ് പരാജയപ്പെടുകയും ചെയ്തു. സ്കൈ തിരികെയെത്തിന്നത് മുംബൈയുടെ ബാറ്റിംഗ് ശക്തമാക്കും.
2024 ജനുവരിയിൽ ശസ്ത്രക്രിയയ്ക്ക് ശേഷം ഇതുകരെ സ്കൈ ക്രിക്കറ്റ് കളിച്ചിട്ടില്ല. ദക്ഷിണാഫ്രിക്കയ്ക്കെതിരായ ഇന്ത്യയുടെ ടി20 ഐ പരമ്പരയ്ക്ക് ശേഷം സൂര്യകുമാർ യാദവ് ക്രിക്കറ്റ് കളിച്ചിട്ടില്ല. 2023 ഡിസംബർ 14-ന് ജോഹന്നാസ്ബർഗിൽ ഫീൽഡ് ചെയ്യുന്നതിനിടെ യാദവിൻ്റെ കണങ്കാലിന് പരിക്കേറ്റിരുന്നു. സ്പോർട്സ് ഹെർണിയക്ക് ആയും കണങ്കാലിനായും രണ്ട് ശസ്ത്രക്രിയക്ക് സ്കൈ വിധേയനായിരുന്നു.