ചെന്നൈ സൂപ്പര്‍ കിംഗ്സ് താരം സുരേഷ് റെയ്ന ദുബായിയില്‍ നിന്ന് മടങ്ങി. ഐപിഎല്‍ ഈ സീസണില്‍ താന്‍ കളിക്കുന്നില്ലെന്നും വ്യക്തിപരമായ കാരണങ്ങളാണ് ഇതിന് പിന്നിലെന്നും താരം അറിയിക്കുകയായിരുന്നുവെന്നാണ് ചെന്നൈ സൂപ്പര്‍ കിംഗ്സ് സിഇഒ കെഎസ് വിശ്വനാഥ് അറിയിച്ചത്. ഏതാനും ദിവസം മുമ്പാണ് താരം ടീമിനൊപ്പം ഐപിഎലിനായി ദുബായിയില്‍ എത്തിയത്.
Suresh Raina has returned to India for personal reasons and will be unavailable for the remainder of the IPL season. Chennai Super Kings offers complete support to Suresh and his family during this time.
KS Viswanathan
CEO— Chennai Super Kings (@ChennaiIPL) August 29, 2020
അടുത്തിടെ അന്താരാഷ്ട്ര ക്രിക്കറ്റില്‍ നിന്ന് വിരമിക്കല്‍ തീരുമാനം എംഎസ് ധോണിയോടൊപ്പം നടത്തിയ താരം ഐപിഎലില്‍ കളിക്കുവാനായി ദുബായിയിലെത്തിയെങ്കിലും ടീമിലെ ചില അംഗങ്ങള്‍ക്ക് കോവിഡ് ബാധിച്ച് ടീം ഐസൊലേഷനില്‍ ആയ ശേഷം ആണ് ഇപ്പോള്‍ പുതിയ തീരുമാനത്തിലേക്ക് എത്തുന്നത്. താരത്തിന്റെ ഈ തീരുമാനത്തിന് പിന്നില്‍ ഈ സംഭവം ആണോ കാരണമെന്ന് അറിയില്ല.
