ലോകത്ത് ഏത് ലീഗിലായാലും കൊല്ക്കത്ത നൈറ്റ് റൈഡേഴ്സിന്റെ ഉടമസ്ഥതയിലുള്ള ഏത് ടീമിലും കളിക്കുവാന് താന് സന്നദ്ധനാണെന്ന് പറഞ്ഞ് സുനില് നരൈന്. 2012ല് ഐപിഎല് ലേലത്തില് കൊല്ക്കത്ത സുനില് നരൈനെ സ്വന്തമാക്കിയ ശേഷം താരം ടീമിന്റെ അവിഭാജ്യ ഘടകം കൂടിയാണ്. ടീം കപ്പ് നേടിയപ്പോളെല്ലാം ഓള്റൗണ്ട് പ്രകടനത്തിലൂടെ നിര്ണ്ണായക സംഭാവനയാണ് സുനില് നരൈന് നടത്തിയിട്ടുള്ളത്.
"Any tournament around the 🌎, where Knight Riders have a team, I'd wanna be a part of it. It's not about the money or the friendships, it's like a family to me." – #Birthday boy @SunilPNarine74 is missing the #IPL, and he has a message for all you in the #KnightRiders family 💜 pic.twitter.com/dVyoIBm5Cr
— KolkataKnightRiders (@KKRiders) May 26, 2020
താരത്തെ ഓപ്പണറായും പരീക്ഷിച്ച് വിജയം കണ്ടെത്തുവാന് ഫ്രാഞ്ചൈസിയ്ക്ക് ആയിട്ടുണ്ടായിരുന്നു. കരീബിയന് പ്രീമിയര് ലീഗിലും കൊല്ക്കത്ത നൈറ്റ് റൈഡേഴ്സിന്റെ ഉടമസ്ഥതയിലുള്ള ഫ്രാഞ്ചൈസിയായ ട്രിന്ബാഗോ നൈറ്റ് റൈഡേഴ്സിന് വേണ്ടിയാണ് താരം കളിക്കുന്നത്. ഈ ഫ്രാഞ്ചൈസി തന്റെ രണ്ടാമത്തെ വീട് പോലെയാണ് താന് കരുതുന്നതെന്നും സുനില് നരൈന് പറഞ്ഞു.