ഇന്ത്യൻ പ്രീമിയർ ലീഗിന്റെ (ഐപിഎൽ) വരാനിരിക്കുന്ന സീസണിൽ ഐഡൻ മർക്രം തങ്ങളുടെ ക്യാപ്റ്റനായിരിക്കുമെന്ന് സൺറൈസേഴ്സ് ഹൈദരാബാദ് പ്രഖ്യാപിച്ചു. അടുത്തിടെ SA 20 ഉദ്ഘാടന ടൂർണമെന്റിൽ സൺറൈസേഴ്സ് ഈസ്റ്റേൺ കേപ്പിനെ വിജയത്തിലേക്ക് നയിക്കാൻ മാർക്രത്തിന് ആയിരിന്നു. ഇതാണ് മായങ്ക് അഗർവാളിനെ മറികടന്ന് മാർക്രം ഫ്രാഞ്ചൈസിയുടെ ക്യാപ്റ്റൻ ആകാനുള്ള കാരണം.
കഴിഞ്ഞ സീസണിൽ SRH-ന് വേണ്ടി 14 മത്സരങ്ങളിൽ നിന്ന് 381 റൺസ് നേടി മികച്ച പ്രകടനം നടത്താൻ മാർക്രത്തിനായിരുന്നു. കെയ്ൻ വില്യംസണിന്റെയും ഡേവിഡ് വാർണറുടെയും കീഴിൽ ആയിരുന്നു അവസാന സീസണിൽ സൺ റൈസേഴ്സ് കളിച്ചത്. ഇംഗ്ലണ്ടിന്റെ ഹാരി ബ്രൂക്ക്, ഇന്ത്യയുടെ മായങ്ക് അഗർവാൾ, ദക്ഷിണാഫ്രിക്കയുടെ ഹെൻറിച്ച് ക്ലാസെൻ എന്നിവരെ ടീമിൽ എത്തിച്ച സൺ റൈസേഴ്സ് ഇത്തവണ ശക്തമായ ടീമും ആയാണ് ലീഗിലേക്ക് വരുന്നത്.