ഐപിഎല് ലേലത്തിന്റെ അവസാന പട്ടികയില് മലയാളി താരം ശ്രീശാന്തിന് ഇടം ലഭിച്ചിരുന്നില്ല. 2013ല് ഐപിഎല് കളിച്ച താരം പിന്നീട് മാച്ച് ഫിക്സിംഗ് വിവാദത്തില് കുടുങ്ങി വിലക്ക് നേരിടുകയായിരുന്നു. ഇപ്പോള് വിലക്ക് മാറി കളിക്കളത്തിലേക്ക് തിരികെ എത്തിയ ശ്രീശാന്ത് ഐപിഎലിന് പേര് രജിസ്റ്റര് ചെയ്തുവെങ്കിലും 75 ലക്ഷം അടിസ്ഥാന വിലയുള്ള താരത്തിനെ പക്ഷേ ഒരു ഫ്രാഞ്ചൈസിയും താല്പര്യം കാണിച്ചില്ല.
തനിക്ക് അവസാന ലിസ്റ്റില് ഇടം പിടിക്കാനാകാതെ പോയതില് വിഷമമില്ലെന്ന് ശ്രീശാന്ത് തന്റെ ഇന്സ്റ്റാഗ്രാമില് പങ്കുവെച്ച വീഡിയോയില് പറഞ്ഞു. തനിക്കൊപ്പം വിഷമ ഘട്ടത്തില് കൂടെ നിന്ന ആരാധകര്ക്ക് നന്ദി അറിയിക്കുന്നുവെന്നും തന്റെ പ്രതീക്ഷ നഷ്ടപ്പെട്ടിട്ടില്ലെന്നും വീണ്ടും തിരിച്ചുവരവിനുള്ള ശ്രമങ്ങള് തുടരുമെന്നും ശ്രീശാന്ത് വ്യക്തമാക്കി.