ഐപിഎലില് തന്റെ ഏറ്റവും പ്രിയപ്പെട്ട താരം ശുഭ്മന് ഗില് ആണെന്ന് പറഞ്ഞ് സൗരവ് ഗാംഗുലി. താരത്തില് ഒരു എക്സ്-ഫാക്ടര് ഉണ്ടെന്നാണ് സൗരവ് ഗാംഗുലി പറയുന്നത്. ശുഭ്മന് ഗില്ലും പൃഥ്വി ഷായുമാണ് ഇന്ത്യയ്ക്കായി മൂന്ന് ഫോര്മാറ്റുകളിലും വരും കാലങ്ങളില് തിളങ്ങാന് പോകുന്ന താരമെന്നും ഗാംഗുലി പറഞ്ഞു.
ആദ്യ മത്സരങ്ങളില് കൊല്ക്കത്ത നിരയില് ബാറ്റിംഗ് അവസരം ശുഭ്മന് ഗില്ലിനു അധികം ലഭിച്ചിരുന്നില്ല. തുടര്ന്ന് താരത്തിനു ഓപ്പണറായി സ്ഥാനക്കയറ്റം നല്കിയതിനു ശേഷമാണ് താരം ഐപിഎലില് തന്റെ മിന്നും ഫോമിലേക്ക് എത്തുന്നത്. അതേ സമയം പൃഥ്വി ഷാ ഒരു മത്സരത്തില് 99 റണ്സ് നേടിയ ശേഷം റണ്സ് കണ്ടെത്തുവാന് ബുദ്ധിമുട്ടുന്ന കാഴ്ചയാണ് ഐപിഎലില് കണ്ടത്.