ഇന്ത്യൻ പ്രീമിയർ ലീഗ് പെരുമാറ്റച്ചട്ടം ലംഘിച്ചതിന് മുംബൈ ഇന്ത്യൻസിനെ ഇന്നലെ താൽക്കാലികമായി നയിച്ച സൂര്യകുമാർ യാദവിന് എതിരെ നടപടി. മത്സരത്തിലെ സ്ലോ ഓവർ റേറ്റിന് 12 ലക്ഷം രൂപ പിഴ സൂര്യകുമാറിന് ചുമത്തിയതായി ഐ പി എൽ അറിയിച്ചു. ഇന്നലെ കൊൽക്കത്ത നൈറ്റ് റൈഡേഴ്സിനെതിരെ മുംബൈ ഇന്ത്യൻസ് വിജയിച്ചു എങ്കിലും ഈ പിഴ സൂര്യകുമാറിന് തിരിച്ചടിയായി.
“മിനിമം ഓവർ-റേറ്റുമായി ബന്ധപ്പെട്ട ഐപിഎൽ പെരുമാറ്റച്ചട്ടം അനുസരിച്ച് ഈ സീസണിലെ തന്റെ ടീമിന്റെ ആദ്യ കുറ്റമായതിനാൽ, ശ്രീ. സൂര്യകുമാർ യാദവിന് 12 ലക്ഷം രൂപ പിഴ ചുമത്തി,” ഔദ്യോഗിക ഐപിഎൽ കുറിപ്പിൽ പറയുന്നു.
കെകെആറിനെതിരായ മത്സരത്തിൽ രോഹിത് ശർമ്മയ്ക്ക് ആരോഗ്യ പരമായ പ്രശ്നങ്ങൾ ഉണ്ടായതിനാൽ ആയിരുന്നു സൂര്യകുമാർ യാദവ് ക്യാപ്റ്റൻസി ഏറ്റെടുത്തത്.