ഇന്ത്യൻ പ്രീമിയർ ലീഗിൽ (ഐപിഎൽ) റോയൽ ചലഞ്ചേഴ്സ് ബാംഗ്ലൂരിസിനായി ഗംഭീര പ്രകടനം നടത്തുന്ന പേസർ സിറാജിനെ പ്രശംസിച്ച് മുൻ ഓൾറൗണ്ടർ ഇർഫാൻ പത്താൻ മുഹമ്മദ് സിറാജിനെ അഭിനന്ദിച്ചു. കൃത്യമായ ഇടവേളകളിൽ വിക്കറ്റുകൾ വീഴ്ത്തുന്ന സിറാജ് ആണ് കളി മാറ്റുന്നത് എന്ന് ഇർഫാൻ പത്താൻ.
ഈ സീസണിൽ ഇതുവരെ 6.70 ഇക്കോണമി നിരക്കിൽ ആറ് മത്സരങ്ങളിൽ നിന്ന് 12 വിക്കറ്റ് വീഴ്ത്താൻ സിറാജിനായിട്ടുണ്ട്.
“ആർസിബിക്ക് വേണ്ടി ഈ സീസണിൽ പവർ-പ്ലേയിൽ മുഹമ്മദ് സിറാജ് മികച്ച രീതിയിൽ പന്തെറിഞ്ഞു. അവൻ ശരിക്കും അവർക്കായി കളിയിൽ വലിയ ഡിഫറൻസ് ആണ് ഉണ്ടാക്കുന്നത്.” ഇർഫാൻ പറഞ്ഞു
കഴിഞ്ഞ വർഷത്തെ അപേക്ഷിച്ച് അദ്ദേഹത്തിന്റെ ബൗളിംഗിൽ വലുതും പോസിറ്റീവുമായ വ്യത്യാസമുണ്ട്. അതുകൊണ്ടാണ് ടീമിലെ അദ്ദേഹത്തിന്റെ ഉത്തരവാദിത്തം വർദ്ധിച്ചത്. സ്റ്റാർ സ്പോർട്സിൽ സംസാരിക്കവെ പത്താൻ പറഞ്ഞു.